കോതമംഗലം : ദൈവത്തിൽ നിന്ന് അകന്ന് നിൽക്കാതെ ദൈവത്തോടൊപ്പം നിൽക്കുമ്പോഴാണ് നമ്മിൽ ദൈവത്തെ പ്രതിഫലിപ്പിക്കുവാൻ കഴിയുവെന്ന് യാക്കോബായ സഭ ശ്രേഷ്ഠ കാതോലിക്ക ഡോ.ബസേലിയോസ് ജോസഫ് ബാവ പറഞ്ഞു. ബൈബിൾ സൊസൈറ്റി കേരള ഓക്സി ലിയറിയുടെ 70-ാമത് വാർഷീക ജനറൽ ബോഡിയോഗവും കോതമംഗലം ബ്രാഞ്ചിന്റെ 50-ാം വാർഷികവും ഉദ്ഘാടനം ചെയ്‌ത് സംസാരിക്കുകയായിരുന്നു ശ്രേഷ്ഠ ബാവ.
ദൈവത്തിൽ നിന്ന് അകലുകയെന്നാൽ മനുഷ്യനിൽ നിന്ന് അകലുകയെന്നതാണ്. ദൈവവുമായുള്ള നമ്മുടെ ബന്ധത്തെ ശക്തിപ്പെടുത്തുവാൻ ബൈബിൾ വായന ശീലമാക്കണമെന്ന് ബാവ ഓർമ്മിപ്പിച്ചു. ബൈബിൾ സൊസൈറ്റി പ്രസിഡൻ്റ് ഡോ. തിയോഡോഷ്യസ് മാർത്തോമാ മെത്രാപ്പോലീത്ത അധ്യക്ഷത വഹിച്ചു.
ബൈബിൾ സൊസൈറ്റി സെക്രട്ടറി ഡോ.കവിറ്റോ ഷിമോ മുഖ്യ പ്രഭാഷണം നടത്തി. വൈസ് പ്രസിഡൻ്റ് വി.എസ്.ഫ്രാൻസിസ്, ഡോ.സാമുവൽ തെയോ ഫിലോസ് മെത്രാപ്പോലീത്ത, സെൻ്റ് തോമസ് ഇവാഞ്ചലിക്കൽ സഭ മെത്രാപ്പോലീത്ത ഡോ.എബ്രാഹാം ചാക്കോ, സിറിൽ മാർ ബസേലിയോസ് മെത്രാപ്പോലീത്ത, ഷിബു തെക്കുംപുറം എം.എൽ. എ.,ഓക്‌സിലിയറി സെക്രട്ടറി ജേക്കബ് ആൻ്റണി കൂടത്തിങ്കൽ, , ട്രഷറർ ഡോ.സാബു ടി.തോമസ്, പ്രൊഫ. ബേബി.എം.വറുഗീസ്, കെ.സി.ഉമ്മൻ, വൈ. റെജി, ഡോ.സി.ഐ.ഡേവിഡ് ജോയി, സ്റ്റാർലാ ലൂക്കോ, ജേക്കബ് ജോൺ, ഡോ.സന്തോഷ് ജോൺ, അഡ്വ.റ്റി.ജെ.ജോർജ്ജ്, ഡോ.കോശി എം. ജോൺ, ഡോ.ആഷ്‌ലി ജോസഫ് എന്നിവർ പ്രസംഗിച്ചു.
ബൈബിൾ സൊസൈറ്റിയുടെ ആദ്യകാല പ്രവർത്തകരെ ആദരിച്ചു. ബൈബിൾ സൊസൈറ്റിയുടെ പ്രവർത്തനത്തിൽ മികവ് പുലർത്തിയ യൂണീറ്റുകൾക്ക് പുരസ്ക്‌കാരങ്ങൾ നൽകി ആദരിക്കുകയും ചെയ്തു.
