കോതമംഗലത്ത് വി.ഡി. സതീശൻ അനുകൂല പ്രകടനം; കെ.സി വേണുഗോപാലിന്റെ ഫ്ലക്സ് നശിപ്പിച്ചു

കോതമംഗലം: കോണ്‍ഗ്രസ് പ്രവര്‍ത്തകരുടെ നേതൃത്വത്തില്‍ കോതമംഗലത്ത് വി.ഡി സതീശന്‍ അനുകൂല പ്രകടനം നടന്നു. കോതമംഗലം മുനിസിപ്പല്‍ ജംഗ്ഷനില്‍ നിന്ന് ആരംഭിച്ച പ്രകടനത്തില്‍ വി.ഡി സതീശന് അനുകൂല മുദ്രാവാക്യം ഉയര്‍ന്നു.

പ്രകടനം പിഒ ജംഗ്ഷനിലെത്തിയപ്പോള്‍ കെ.സി വേണുഗോപാലിനെ അനുകൂലിച്ച് സ്ഥാപിച്ചിരുന്ന ഫ്‌ലക്‌സ് നശിപ്പിച്ചു. ഇരുന്നൂറോളം പ്രവര്‍ത്തകര്‍ പങ്കെടുത്ത പ്രകടനം ചെറിയപള്ളിത്താഴത്ത് സമാപിച്ചു.