AGRICULTURE

പാവൽ കൃഷിതോട്ടം സാമൂഹ്യ വിരുദ്ധർ നശിപ്പിച്ചു; പ്രതികളെ അറസ്റ്റ് ചെയ്യാത്തതിൽ പ്രതിഷേധം ശക്തമാകുന്നു.

Published

3 years ago

January 2, 2021

kothamangalamnews.com

കോതമംഗലം : തൃക്കാരിയൂർ ചിറലാട് വിളവെടുക്കാറായ പാവൽ കൃഷി തോട്ടം നശിപ്പിച്ചവരെ കണ്ടെത്തി അറസ്റ്റ് ചെയ്യാത്ത പോലീസ് നടപടിയിൽ പ്രതിഷേധിച്ചുകൊണ്ടും, പ്രതിയെ രാഷ്ട്രീയമായി സംരക്ഷിക്കുന്ന നിലപാടിനെതിരെയും ബിജെപി തൃക്കാരിയൂർ മേഖല കമ്മിറ്റിയുടെ നേതൃത്വത്തിൽ നാളെ വൈകിട്ട് 5മണിക്ക് തൃക്കരിയൂരിൽ പ്രതിഷേധ പ്രകടനം നടത്തുന്നുവെന്ന് ബിജെപി പഞ്ചായത്ത് കമ്മിറ്റി പ്രസിഡന്റ്‌ കെ എൻ ജയചന്ദ്രൻ അറിയിച്ചു.

തൃക്കാരിയൂർ ഇരിങ്ങോത്ത് വീട്ടിൽ സജികുമാർ, ഇടത്തൊട്ടി വീട്ടിൽ മനോജ്‌കുമാർ എന്നിവർ ചേർന്ന് പാട്ടത്തിനെടുത്ത് പാവൽ കൃഷി ചെയ്യുകയും, വളരെ നല്ല രീതിയിൽ പരിചരിച്ച് പന്തലുകൾ ഒരുക്കി വിളവെടുപ്പിന് തയ്യാറായി ഇരിക്കുകയായിരുന്നു. 250 കിലോ പാവയ്ക്ക വെള്ളിയാഴ്ച പറിച്ചെടുത്ത് വിൽപ്പനയുടെ ആദ്യ ഘട്ടത്തിന് ഒരുങ്ങുന്നതിനിടെയാണ് വ്യാഴാഴ്ച്ച രാത്രിയോടെ പാവലിന്റ കടക്കൽ കത്തി വയ്ക്കുകയും, പാവലം പടർന്നു കയറിയ പന്തലിന്റെ കയറുകൾ കത്തികൊണ്ട് മുറിച്ചു കളയുകയും,പടർന്നു പന്തളിച്ച് കായ്ച്ചു കിടന്നിരുന്ന പാവൽ തോട്ടം മുഴുവനോടെ നിലം പതിക്കുകയും ചെയ്തു.

ഒന്നര ലക്ഷത്തോളം രൂപയുടെ നാശ നഷ്‌ടമാണ് കർഷകർക്ക് ഉണ്ടായിരിക്കുന്നതാണ്.
പ്രതികളെകുറിച്ചുള്ള വ്യക്തമായ സൂചന കർഷകർ പോലീസിൽ പറഞ്ഞു കൊടുത്തിട്ടും ഉന്നത രാഷ്ട്രീയ ഇടപെലുകൾ പ്രതിയെ സംരക്ഷിക്കാൻ പോലീസിൽ ഇടപെടുകയാണ്. അതുകൊണ്ട് പോലീസും ഉഴപ്പൻ സമീപനം കാണിക്കുകയാണ്. കർഷകരെ സംരക്ഷിക്കുന്നതിന് പകരം അവരുടെ മനോവീര്യം തകർക്കുന്ന അവസ്ഥയാണ് ഉണ്ടായിരിക്കുന്നതെന്നും. ഉടൻതന്നെ പ്രതികളെ അറസ്റ്റ് ചെയ്യണമെന്നും കർഷകർക്ക് ബന്ധപ്പെട്ട വകുപ്പ് ഇടപെട്ടുകൊണ്ട് നഷ്ട പരിഹാരം നൽകണമെന്നും തൃക്കാരിയൂരിലെ വാർഡ് മെമ്പർമാരായ സിന്ധു പ്രവീൺ, സനൽ പുത്തൻപുരക്കൽ, ശോഭ രാധാകൃഷ്ണൻ എന്നിവർ ആവശ്യപ്പെട്ടു.

AGRICULTURE

ഡ്രാഗൺ ഫ്രൂട്ട് വിളവെടുപ്പ് നടന്നു.

Published

2 months ago

August 6, 2023

kothamangalamnews.com

കോതമംഗലം : വാരപ്പെട്ടി പഞ്ചായത്തിലെ പത്താം വാർഡ് സ്വദേശിയും പൊതുപ്രവർത്തകനും സിപിഐ എം ലോക്കൽ കമ്മിറ്റി അംഗവും കർഷകസംഘത്തിന്റെ വാരപ്പെട്ടി വില്ലേജ് സെക്രട്ടറിയുമായ റെജി തന്റെ പുരയിടത്തിൽ മുന്നൂറോളം ചുവട് ഡ്രാഗൺ ഫ്രൂട്ട് കൃഷി ചെയ്ത് വിജയകരമായി വിളവെടുപ്പ് നടത്തി. ആദ്യ വിളവെടുപ്പ് ആന്റണി ജോൺ എം എൽ എ നിർവഹിച്ചു. വാരപ്പെട്ടി ഗ്രാമപഞ്ചായത്ത് പ്രസിഡന്റ് പി കെ ചന്ദ്രശേഖരൻ നായർ , വൈസ് പ്രസിഡന്റ് ബിന്ദു ശശി, വാർഡ് മെമ്പർ എം എസ് ബെന്നി, സി പി ഐ എം ഏരിയ സെക്രട്ടറി ഷാജി മുഹമ്മദ്, മനോജ് നാരായണൻ , സി എം മീരാൻകുഞ്ഞ്, കൃഷി ഓഫീസർ ഇ എം മനോജ് തുടങ്ങിയവർ സംബന്ധിച്ചു.

AGRICULTURE

കവളങ്ങാട് പഞ്ചായത്തിലെ ട്രൈബൽ വിഭാഗത്തിന് പച്ചക്കറി കൃഷിയിൽ പരിശീലനം നൽകി

Published

4 months ago

June 2, 2023

kothamangalamnews.com

കോതമംഗലം : കാർഷിക വികസന കർഷക ക്ഷേമ വകുപ്പ് കവളങ്ങാട് ഗ്രാമപഞ്ചായത്ത് കൃഷിഭവൻ്റെ നേതൃത്വത്തിൽ ട്രൈബൽ വിഭാഗത്തിന് പച്ചക്കറി കൃഷിയിൽ പരിശീലനം നൽകി. ആത്മയുടെ പ്രത്യേക ഘടകപദ്ധതിയിൽ ഉൾപ്പെടുത്തി നേര്യമംഗലം ട്രൈബൽ സെറ്റിൽമെൻ്റ് കോളനിയിലെ കർഷകർക്കാണ് പരിശീലനം നൽകിയത്.കോളനിയിൽ കൃഷി ചെയ്യുന്നതിനു മാത്രമായി നൽകിയിട്ടുള്ള 25 ഏക്കർ സ്ഥലത്ത് കൃഷിയിറക്കുകയാണ് പരിശീലനത്തിലൂടെ ലക്ഷ്യമിടുന്നത്.

രാവിലെ 10 മണിക്ക് സെറ്റിൽമെൻ്റ് കോളനിയിൽ വച്ച് നടന്ന ചടങ്ങിൽ കവളങ്ങാട് പഞ്ചായത്ത് പ്രസിഡൻ്റ് സൈജൻ്റ് ചാക്കോ പരിശീലപരിപാടി ഉത്ഘാടനം ചെയ്തു. ഗ്രാമപഞ്ചായത്ത് വൈസ് പ്രസിഡൻ്റ് ജിംസിയ ബിജു അദ്ധ്യക്ഷത വഹിച്ചു.റിട്ടയേർഡ് കൃഷി ഓഫീസർ ജോഷി പി എം ക്ലാസ്സ് നയിച്ചു.ബാബു എ എൻ, ശോഭ തങ്കപ്പൻ, ബിന്ദു സോമൻ, കുഞ്ഞുമോൾ ബദറുദ്ധീൻ, പ്രമോട്ടർ അജ്ഞുമോൾ ഭാസ്കരൻ, കൃഷി അസിസ്റ്റൻ്റുമാരായ വിനീഷ് പി എൻ, ഫാത്തിമ എ എ, ആത്മ ബ്ലോക്ക് ടെക്നോളജി മാനേജർ രജ്ഞിത്ത് തോമസ് തുടങ്ങിയവർ പങ്കെടുത്തു. കൃഷി ഓഫീസർ സജി കെ.എ സ്വാഗതവും അസിസ്റ്റൻറ് കൃഷി ഓഫീസർ സാജു കെ.സി കൃതജ്ഞതയും പറഞ്ഞു.

AGRICULTURE

കാറ്റിലും മഴയിലും കോതമംഗലം മേഖലയിൽ കനത്ത കൃഷി നാശം; ഒരു കോടിക്ക് മുകളിൽ നഷ്ടം

Published

4 months ago

May 31, 2023

kothamangalamnews.com

കോതമംഗലം : ഇന്നലെ വൈകിട്ട് ഉണ്ടായ കാറ്റിലും മഴയിലും കോതമംഗലത്തെ 5 പഞ്ചായത്തുകളിൽ കനത്ത കൃഷി നാശം. ഇരുന്നൂറോളം കർഷകർകരുടെ 26,600 വാഴകൾ നശിച്ചു. 1.10 കോടിയുടെ പ്രാഥമിക നഷ്ടം കണക്കാക്കുന്നു. കോതമംഗലം മുനിസിപ്പാലിറ്റിയിൽ 150 കർഷകരുടെ 12,000 കുലച്ച വാഴകൾ, 9000 കുലക്കാത്ത വാഴകൾ. ആകെ 21,000 വാഴകൾക്ക് 60 ലക്ഷം രൂപയുടെ പ്രാഥമിക നാശനഷ്ടം വിലയിരുത്തുന്നു.

വാരപ്പെട്ടിയിൽ 25 കർഷകരുടെ 2500 കുലച്ച വാഴകളും 2500 കുലക്കാത്ത വാഴകളും ഉൾപ്പെടെ ആകെ 20 ലക്ഷം രൂപയുടെ നഷ്ടവും , നെല്ലിക്കുഴിയിൽ 6 കർഷകരുടെ 100 കുലച്ചതും, 150 കുലക്കാത്തതുമായി 250 വാഴകൾക്ക് 95,000 രൂപയുടെ നഷ്ടവും , പിണ്ടിമനയിൽ 6 കർഷകരുടെ 150 കുലച്ചത്, 100 കുലക്കാത്തത്, റബ്ബർ 4 എണ്ണം 1.05 ലക്ഷം രൂപയുടെ നഷ്ടവും , കോട്ടപ്പടിയിൽ 2 കർഷകരുടെ 100 വാഴകൾ 40,000 രൂപയുടെ നഷ്ടവും പ്രാഥമികമായി കണക്കാക്കുന്നു.