Connect with us

Hi, what are you looking for?

NEWS

പട്ടയ വിതരണം സർവ്വേ നടപടികൾക്ക് തുടക്കമായി

കോതമംഗലം : കോതമംഗലം താലൂക്കിലെ പട്ടയ വിതരണത്തിനു മുന്നോടിയായി ഡിജിറ്റൽ സർവ്വേ (ടോട്ടൽ സ്റ്റേഷൻ സർവ്വേ) നടപടികൾക്ക് തുടക്കമായി. സർവ്വേ നടപടികളുടെ താലൂക്ക് തല ഉദ്ഘാടനം വടാട്ടുപാറയിൽ ആന്റണി ജോൺ എം എൽ എ നിർവഹിച്ചു. നവംബർ 4/11/ 2023 -ലെ സർക്കാർ ഉത്തരവ് പ്രകാരം ജണ്ടയ്ക്ക് വെളിയിലെ കൈവശഭൂമിയ്ക്ക് പട്ടയം നൽകുന്നതിനുള്ള സർവ്വേ നടപടികൾക്കാണ് താലൂക്കിൽ തുടക്കമായത്. പതിറ്റാണ്ടുകളായി പട്ടയത്തിന് കാത്തിരിക്കുന്ന 6 വില്ലേ ജുകളിലെ 5000 ത്തിലേറെ പേർക്ക് പുതിയ ഉത്തരവ് പ്രകാരം പട്ടയം കൊടുക്കാൻ കഴിയും.ഇതിന് മുന്നോടിയായിട്ടുള്ള നടപടികളുടെ ഭാഗമായിട്ടാണ് ഇപ്പോൾ സെർവ്വേ നടപടികൾ ആരംഭിക്കുന്നത്. നിയമസഭാ തിരഞ്ഞെടുപ്പ് പ്രകടനപത്രികയിലെ പ്രധാന വാഗ്ദാനമാണിപ്പോൾ പ്രാവർത്തികമാകാൻ പോകുന്നതെന്നും,അർഹരായ മുഴുവൻ പേർക്കും സമയ ബന്ധിതമായി തന്നെ പട്ടയം നൽകുമെന്നും എം എൽ എ പറഞ്ഞു. .ചടങ്ങിൽ ഗ്രാമപഞ്ചായത്ത് പ്രസിഡന്റ് കാന്തി വെള്ളക്കയ്യൻ അധ്യക്ഷത വഹിച്ചു. തഹസിൽദാർ റെയ്ച്ചൽ കെ വർഗീസ് നടപടിക്രമങ്ങൾ വിശദീകരിച്ചു.പഞ്ചായത്ത് അംഗം ബിൻസി മോഹനൻ, ഡെപ്യൂട്ടി തഹസിൽദാർ ജെയ്സൺ മാത്യു,ബ്ലോക്ക്‌ പഞ്ചായത്ത്‌ അംഗം ജയിംസ് കോറബേൽ, എം കെ രാമചന്ദ്രൻ , പി കെ പൗലോസ്,കെ എം വിനോദ്, പി എ അനസ്,എ ബി ശിവൻ,സന്ധ്യ ലാലു എന്നിവർ പങ്കെടുത്തു.

You May Also Like

NEWS

തടത്തിക്കവല :എൽ ഡി എഫ് സ്ഥാനാർഥി ജോയ്സ് ജോർജിന്റെ കോതമംഗലം, മൂവാറ്റുപുഴ മണ്ഡലങ്ങളിലെ അവസാനഘട്ട പര്യടനത്തിന് തടത്തിക്കവലയിൽ തുടക്കം. പച്ചക്കറി തൈകളും അമ്പും വില്ലും നൽകി ജോയ്സ് ജോർജിനെ പ്രവർത്തകർ സ്വീകരിച്ചു. രാജ്യത്ത്...

NEWS

കോതമംഗലം: പ്രാര്‍ത്ഥനയോടെ വോട്ടവകാശം വിനിയോഗിക്കേണ്ടത് കാലഘട്ടത്തിന്റെ ആവശ്യമെന്ന് കോതമംഗലം ബിഷപ് മാര്‍ ജോര്‍ജ് മഠത്തിക്കണ്ടത്തില്‍. കോതമംഗലം രൂപത പാസ്റ്റല്‍ കൗണ്‍സില്‍ സമ്മേളനം മൂവാറ്റുപുഴ നെസ്റ്റ് പാസ്റ്ററല്‍ സെന്ററില്‍ ഉദ്ഘാടനം ചെയ്യുകയായിരുന്നു അദ്ദേഹം. ആധുനിക...

NEWS

പൈങ്ങോട്ടൂർ: ബസ് ഉടമയെ ആക്രമിച്ച കേസിൽ ഒരാൾ അറസ്റ്റിൽ. കടവൂർ പൈങ്ങോട്ടൂർ കൊമ്പനാൽ വീട്ടിൽ ജോമേഷ് (40) നെയാണ് പോത്താനിക്കാട് പോലീസ് അറസ്റ്റ് ചെയ്തത്. 20 ന് വെകീട്ട് പൈങ്ങോട്ടൂർ ഗാന്ധി സ്ക്വയറിന്...

NEWS

മൂവാറ്റുപുഴ: പാലക്കുഴയില്‍ ബിജെപിയുടെ താല്‍ക്കാലിക തെരഞ്ഞെടുപ്പ് ഓഫീസ് തീയിട്ട് നശിപ്പിച്ച നിലയില്‍. പഞ്ചായത്ത് കമ്മറ്റി നിര്‍മ്മിച്ച ബിജെപിയുടെ താല്‍ക്കാലിക തെരഞ്ഞെടുപ്പ് ഓഫീസാണ് ഇന്നലെ രാത്രിയില്‍ തീയിട്ട് നശിപ്പിച്ചത്. ഇന്നലെ രാത്രിയിലും പ്രവര്‍ത്തകരെത്തി സജീവമായിരുന്ന...