കോതമംഗലം:പുതിയ തലമുറയെ ലക്ഷ്യം വച്ചുള്ള പ്രവർത്തനങ്ങൾക്ക് സാംസ്കാരിക സംഘടനകൾ മുൻഗണന നൽകണമെന്ന് നടനും സംവിധായകനുമായ ജോയ് മാത്യു പറഞ്ഞു.കോതമംഗലം ഫാസിന്റെ നാൽപതാം വാർഷികാഘോഷം ഉദ്ഘാടനം ചെയ്ത് പ്രസംഗിക്കുകയായിരുന്നു ജോയ് മാത്യു.കുട്ടികൾക്ക് ദിശാബോധവും ജീവിതത്തിലുടനീളം ആത്മവിശ്വാസവും പകർന്നു നൽകാൻ കലാ പ്രവർത്തനങ്ങളിൽ പങ്കാളികളാകുന്നതിലൂടെ സാധിക്കുമെന്ന് അദ്ദേഹം പറഞ്ഞു.
വാർഷികത്തോടാനുബന്ധിച്ച് സ്കൂൾ, കോളേജ് വിദ്യാർത്ഥികൾക്കായി ഫാസ് നടത്തിയ കലാ, സാഹിത്യ മത്സരങ്ങളിലെ വിജയികൾക്ക് സിനിമാ സംവിധായകൻ എബ്രിഡ് ഷൈൻ ക്യാഷ് അവാർഡുകളും സർട്ടിഫിക്കറ്റുകളും വിതരണം ചെയ്തു.ഫാസിന്റെ സ്ഥാപക പ്രസിഡന്റ് ഷിബു തെക്കുംപുറം എംഎൽഎ മുഖ്യ പ്രഭാഷണം നടത്തി.ഫാസ് പ്രസിഡന്റ് ബേസിൽ എബ്രഹാം അധ്യക്ഷത വഹിച്ചു.
സലിം ചെറിയാൻ,എം.എസ് എൽദോസ്,ബോബി പി . കുര്യാക്കോസ്, വിജയകുമാർ കളരിക്കൽ, ബാബു ഇരുമല,പി.സി സ്കറിയ,ജെല്ലി ഷിബു, സജി മത്തായി, പ്രൊഫ. കെ എം കുര്യാക്കോസ്, സാബു മാത്യു, ബാബു ഏലിയാസ്,ഡോ ജെയ്ൻ മാത്യു,എൽദോ വർഗീസ്, നിനു സജി, നീമ ബേസിൽ എന്നിവർ പ്രസംഗിച്ചു.
