കോതമംഗലം : ഹരിത വനസംരക്ഷണ സമിതിയുടെ വാർഷിക പൊതുയോഗം 13/02/2021ന് നമ്പൂരിക്കൂപ്പിൽ നടന്നു. സമിതി പ്രസിഡന്റ് ശ്രീ. ജിജോ ജോർജിന്റെ അദ്ധ്യക്ഷതയിൽ ചേർന്ന യോഗം കവളങ്ങാട് ഗ്രാമപഞ്ചായത്ത് പ്രസിഡന്റ് ശ്രീ.ഷൈജന്റ് ചാക്കോ ഉൽഘാടനം ചെയ്തു. കോതമംഗലം ഫോറെസ്റ്റ് റെയ്ഞ്ച് ഓഫീസർ പി.കെ തമ്പി മുഖ്യപ്രഭാഷണം നടത്തി.
കവളങ്ങാട് ഗ്രാമപഞ്ചായത്ത് മെമ്പർമാരായ ഉഷ ശിവൻ,സി. എച് നൗഷാദ്, കോതമംഗലം സെക്ഷൻ ഫോറെസ്റ്റ് ഓഫീസർ ഡി. അനിൽഘോഷ്, വന സംരക്ഷണ സമിതി സെക്രട്ടറി ഡി. ഷിബു എന്നിവരും സംസാരിച്ചു.ഭരണ സമിതി അംഗങ്ങളുടെ തിരഞ്ഞെടുപ്പും പ്രസ്തുത യോഗത്തിൽ നടന്നു.
പുതിയ ഭരണ സമതി പ്രസിഡന്റ് ആയി രാജാജി നാരായണനെയും വൈസ് പ്രേസിഡന്റ് ആയി ശോഭന രവി ട്രെഷററായി രവി കെ. വി എന്നിവരെയും തിരഞ്ഞെടുത്തു. കോവിഡ് മാനദണ്ഡങ്ങൾ പാലിച്ചുകൊണ്ട് നടന്ന യോഗത്തിൽ നൂറ്റിഅൻപതിൽപരം അംഗങ്ങൾ പങ്കെടുത്തു.
