കോതമംഗലം :കോതമംഗലം മാർ അത്തനേഷ്യസ് എൻജിനീയറിംഗ്കോളജ് വിദ്യാർത്ഥി മിച്ചി മർപ്പു ആത്മഹത്യ ചെയ്തതിനു പിന്നാലെ വിദ്യാർത്ഥികള് നടത്തി വന്ന സമരം അവസാനിപ്പിച്ചു. വിദ്യാർത്ഥികളുടെ ആവശ്യം മാനേജ്മെന്റ് അംഗീകരിച്ചതോടെയാണ് പ്രതിഷേധം അവസാനിപ്പിച്ചത്.വിദ്യാർത്ഥികളുടെ 12 ആവശ്യങ്ങള് പരിഗണിക്കാന് കമ്മിറ്റി രൂപീകരിക്കും. പ്രിന്സിപ്പല് അന്വേഷണത്തില് ഇടപെടില്ല.
വകുപ്പ് മേധാവിയും, കോ ഓര്ഡിനേറ്ററും മാറിനില്ക്കും തുടങ്ങിയവയാണ് നിബന്ധനകള്. സമരം നിര്ത്തിയത് താല്ക്കാലികമെന്നും വിദ്യാർത്ഥി പറഞ്ഞു . വിദ്യാർത്ഥി സംഘടനകളുടെ സംസ്ഥാന നേതാക്കളായ എം. ശിവ പ്രസാദ്(എസ് എഫ് ഐ സംസ്ഥാന പ്രസിഡന്റ്) , ഡോ.അലോഷ്യസ് സേവ്യർ(കെ എസ് യു സംസ്ഥാന പ്രസിഡന്റ് )ഉൾപ്പടെയുള്ളവർ ചർച്ചയിൽ പങ്കെടുത്തിരുന്നു.എം എ കോളേജിലെ ബിടെക് വിദ്യാർത്ഥി മിച്ചി മർപുവിനെ കോളേജിന് സമീപമുള്ള താമസസ്ഥലത്ത് ജീവനൊടുക്കിയ നിലയിൽ ശനിയാഴ്ച വൈകിട്ട് കണ്ടെത്തുകയായിരുന്നു. ക്രെഡിറ്റ് സ്കോർ കുറഞ്ഞതിനെ തുടർന്ന് ഇയർ ബാക്ക് ആയതിലുള്ള മാനസിക വിഷമമാണ് വിദ്യാർത്ഥിയെ ആത്മഹത്യയിലേക്ക് നയിച്ചതെന്നാണ് ആരോപണം.
കോളേജ് മാനേജ്മെന്റ് പ്രശ്നങ്ങൾ കേൾക്കാൻ തയ്യാറാകുന്നില്ലെന്ന് വിദ്യാർത്ഥികൾ പറഞ്ഞു.ഉന്നത വിദ്യാഭ്യാസ മന്ത്രി റോജി എം ജോണിനെ നേരിൽ കണ്ട് വിദ്യാർത്ഥികൾ പരാതി നൽകി. ഇയർബാക്ക് താൽക്കാലികമായി സർവകലാശാല പിൻവലിച്ചതാണെന്നും വിഷയത്തിൽ അന്വേഷണം നടത്തുമെന്നും മന്ത്രി പറഞ്ഞു.കോതമംഗലം എം എൽ എ ഷിബു തെക്കുംപുറവും മന്ത്രിയെ കണ്ട് അന്വേഷണം നടത്താൻ ആവശ്യപെട്ടിരുന്നു.
