കോതമംഗലം: കോതമംഗലം വിദ്യാഭ്യാസ ജില്ലയില് എസ്എസ്എല്സി പരീഷ എഴുതിയ 5259 പേരില് 5246 പേരും ഉപരിപഠനത്തിന് അര്ഹത നേടി. പിന്നില് പോയത് 13 കുട്ടികള് മാത്രം. 2802 ആണ്കുട്ടികളും 2444 പെണ്കുട്ടികളുമാണ് ഉപരിപഠനത്തിന് അര്ഹത നേടിയത്. 353 പേര് എല്ലാ വിഷയങ്ങള്ക്കും എ പ്ലസ് നേടി. കോതമംഗലം ഉപജില്ലാ പരിധിയില് 22 സ്കൂളുകള്ക്ക് 100 ശതമാനം വിജയം നേടാന് കഴിഞ്ഞു. ഇതില് 10 എയ്ഡഡ് സ്കൂളുകളും 11 ഗവണ്മെന്റ് സ്കൂളുകളും ഒരു എയ്ഡഡ് സ്കൂളും ആണുള്ളത്.
മറ്റ് സ്കൂളുകളില് ഒന്നോ,രണ്ടോ കുട്ടികളാണ് ഉപരിപഠനത്തിന് അര്ഹത നേടാതെ പോയത്. സേ പരീഷയിലൂടെ അവരും വിജയത്തിലെത്തുമെന്ന് സ്കൂള് അധികൃതര് പറഞ്ഞു. എയ്ഡഡ് വിഭാഗത്തില് സെന്റ് ജോര്ജ്ജ് കോതമംഗലം, സെന്റ് ജോസഫ്സ് വെളിയേല്ച്ചാല്, ടി.വി.ജെ.എം.എച്ച്.എസ്. പിണ്ടിമന, ഫാ. ജോസഫ് മെമ്മോറിയല് പുതുപ്പാടി, എന്.എസ്.എസ്. വാരപ്പെട്ടി, എല്.എഫ്.ഊന്നുകല്, സെന്റ് മേരീസ് പോത്താനിക്കാട്, ഡി.ബി.എച്ച്.എസ്.തൃക്കാരിയൂര്, മാര് ഏലിയാസ് കോട്ടപ്പടി, എം.ഡി.എച്ച്.എസ്. തോളേലി, എന്നിവയാണ് നൂറ് ശതമാനം വിജയം നേടിയ സ്കൂളുകള്.
മാതിരപ്പിള്ളി, നേര്യമംഗലം, ചെറുവട്ടൂര്, കടവൂര്, ചാത്തമറ്റം, അയ്യങ്കാവ്, കുട്ടമ്പുഴ, വടാട്ടുപാറ, പിണവൂര്കുടി, നെല്ലിക്കുഴി, മാമലകണ്ടം, എന്നിവിടങ്ങളിലെ സ്കൂളുകളാണ് ഗവണ്മെന്റ് സ്കൂള് വിഭാഗത്തില് നൂറ് ശതമാനം വിജയം സ്വന്തമാക്കിയത്. എല്ലാ വിഷയങ്ങള്ക്കും എ പ്ലസ് നേടിയവരുടെ എണ്ണത്തില് കോതമംഗലം സെന്റ് അഗസ്റ്റ്യന്സ് സ്കൂളാണ് മുന്നില്. ഇവിടെ 45 പേര് നേട്ടം കൈവരിച്ചു.
