CHUTTUVATTOM
സ്നേഹവീട് പ്രതിഭാ പുരസ്ക്കാരം വടാട്ടുപാറ സ്വദേശി നീറുണ്ണി പ്ലാമൂടന്.

കോതമംഗലം : സ്നേഹവീട് സാംസ്ക്കാരിക സമിതി കേരള പത്താം വാർഷിക സംസ്ഥാന സമ്മേളനത്തോടനുബന്ധിച്ചു സംസ്ഥാന-ജില്ലാ തലങ്ങളിൽ വിവിധ കലാ സാഹിത്യ പുരസ്കാരങ്ങൾ പ്രഖ്യാപിച്ചു. സംസ്ഥാന തലത്തിൽ മികച്ച സാഹിത്യകാരനുള്ള കുറത്യാടൻ പ്രദീപ് സ്മാരക പുരസ്ക്കാരം നിരഞ്ജൻ അഭിക്ക് ലഭിച്ചു. ജില്ലാതലത്തിൽ ഇടുക്കി ജില്ലയ്ക്ക് ലഭിച്ച വിവിധ പുരസ്കാരങ്ങൾ ഇവയാണ്. സാഹിത്യ സമഗ്ര സംഭാവനക്കുള്ള ഇടുക്കി ജില്ലാ സ്നേഹവീട് പ്രതിഭാ പുരസ്ക്കാരം . ഓമന. എൻ. സി. കാർത്തിക.
കവിത, സാഹിത്യം, കഥ, തിരക്കഥ രചന എന്നിവയിലെ സംഭാവന കണക്കിലെടുത്തു ഇടുക്കി ജില്ലാ സ്നേഹവീട് പ്രതിഭാ പുരസ്ക്കാരം നീറുണ്ണി പ്ലാമൂട്, മികച്ച കവിയ്ക്കും അഭിനേതാവിനുമുള്ള ഇടുക്കി ജില്ലാ സ്നേഹവീട് പ്രതിഭാ പുരസ്ക്കാരം ശ്രീ സജി കൂറ്റാംമ്പാറ കലാ -സാഹിത്യ സമഗ്ര സംഭാവനയ്ക്കുള്ള ഇടുക്കി ജില്ലാ സ്നേഹവീട് പ്രതിഭാ പുരസ്ക്കാരം കസ്തൂരി മാധവൻ.
മികച്ച യുവകവയിത്രിക്കുള്ള ഇടുക്കി ജില്ലാ സ്നേഹവീട് പ്രതിഭാ പുരസ്ക്കാരം . ജയലക്ഷ്മി വിനോദ്, മികച്ച യുവ കവയിത്രിക്കും, ചിത്രകാരിക്കുമുള്ള ഇടുക്കി ജില്ലാ സ്നേഹവീട് പ്രതിഭാ പുരസ്ക്കാരം . സുമ റോസ് മികച്ച കവിയ്ക്കും നിരൂപകനും കലാകാരനുമുള്ള സ്നേഹവീട് ഇടുക്കി ജില്ലാ പ്രതിഭാ പുരസ്ക്കാരം . രാജൻ മനു ജോസഫ് സാഹിത്യത്തിനുള്ള ഇടുക്കി ജില്ലാ സ്നേഹവീട് പ്രതിഭാ പുരസ്ക്കാരം അഡ്വക്കേറ്റ്. വി.എസ്. ദീപു.
ഏപ്രിൽ 10 ന് ആലപ്പുഴ തുറവൂർ നടക്കുന്ന സ്നേഹവീട് പത്താം വാർഷിക സംസ്ഥാന സമ്മേളനത്തിൽ മന്ത്രിമാരും വിവിധ രാഷ്ട്രീയ,മത, കലാ സാംസ്ക്കാരിക,സിനിമ പ്രമുഖരും പങ്കെടുക്കുന്ന ചടങ്ങിൽ വെച്ച് പുരസ്കാരങ്ങൾ വിതരണം ചെയ്യുമെന്ന് സംഘടനാ ദേശീയ പ്രസിഡന്റ് .ഡാർവിൻ പിറവം, ദേശീയ വൈസ് പ്രസിഡന്റ് .അജികുമാർ നാരായണൻ, ദേശീയ സെക്രട്ടറി . സുധീഷ്. സി.കെ, ദേശീയ ട്രഷറർ സരിത., പ്രോഗ്രാം ഡയറക്ടർ ഹനീഫ് പതിയാരിയിൽ,ചെയർമാൻ റവ.ഡീക്കൺ ടോണി മേതല, വൈസ് ചെയർമാൻ ഷക്കീല സത്താർ, സ്റ്റേറ്റ് പ്രസിഡന്റ് ശ്രീ. ഇഞ്ചക്കാട് ബാലചന്ദ്രൻ,സ്റ്റേറ്റ് സെക്രട്ടറി. ഫാദർ.ഗീവർഗീസ് ബ്ലാഹേത്ത് അടൂർ, സ്റ്റേറ്റ് ട്രഷറർ രാജേഷ് ശ്രീധർ,അഡ്വൈസറി ചെയർമാൻ . അഡ്വക്കേറ്റ് രാമകൃഷ്ണ ശേഷാദ്രി, ദേശീയ കൺവീനർ &മീഡിയ, മാഗസിൻ ഡയറക്ടർ നിരഞ്ജൻ എന്നിവർ അറിയിച്ചു.
CHUTTUVATTOM
മാർ ബസേലിയോസ് നഴ്സിംഗ് കോളേജിന്റെ 20ാം വാർഷികം ആഘോഷിച്ചു.

കോതമംഗലം : ആഗോള സർവ്വമത തീർത്ഥാടന കേന്ദ്രമായ കോതമംഗലം മാർ തോമ ചെറിയ പള്ളിയുടെ ഉടമസ്ഥതയിലുള്ള മാർ ബസേലിയോസ് കോളേജ് ഓഫ് നഴ്സിംഗിന്റെ 20-ാം വാർഷികം ആഘോഷിച്ചു. ബി .എസ്.സി നേഴ്സിംഗ് പഠനത്തിനായി അനുവദിച്ച അധിക ബാച്ചിന്റെയും നഴ്സിംഗ് കോളേജിൽ സ്റ്റുഡന്റ്സ് യൂണിയന്റെ നേതൃത്വത്തിൽ നടക്കുന്ന ജീവകാരുണ്യ പ്രവർത്തനങ്ങളുടേയും, സ്റ്റുഡന്റ് യൂണിയന്റെയും ഉദ്ഘാടനം മുൻ ആരോഗ്യ വനിത ശിശു വികസന വകുപ്പ് മന്ത്രി പി.കെ.ശ്രീമതി ടീച്ചർ നിർവ്വഹിച്ചു. എം.ബി.എം.എം. അസോസിയേഷൻ വൈസ് പ്രസിഡന്റ് ബിനു കൈപ്പിൽ അദ്ധ്യക്ഷത വഹിച്ചു.മാർ തോമ ചെറിയപള്ളി വികാരി ഫാ.ജോസ് പരത്തുവയലിൽ ആ മുഖപ്രസംഗം നടത്തി.
കോതമംഗലം എം.എൽ.എ. ആന്റണി ജോൺ മുഖ്യപ്രഭാഷണം നടത്തി. നെല്ലിക്കുഴി പഞ്ചായത്ത് പ്രസിഡന്റ് കെ.പി. മജീദ്, കേരള നഴ്സിംഗ് കൗൺസിൽ മെമ്പർ എം.എം. ഹാരിസ്, കെ.എ. നൗഷാദ്, കെ.എ. ജോയി,എം.ബി.എം.എം അസ്സോസിയേഷൻ സെക്രട്ടറി അഡ്വ.സി.ഐ. ബേബി ചുണ്ടാട്ട്, ചെറിയ പള്ളി ട്രസ്റ്റി ബിനോയി തോമസ് മണ്ണംഞ്ചേരി, നഴ്സിംഗ് കോളേജ് പ്രൻസിപ്പാൾ സെല്ലിയാമ്മ കുരുവിള, നഴ്സിംഗ് സ്കൂൾ പ്രൻസിപ്പാൾ ജൂലി ജോഷ്വ . എം എസ് എൽദോസ് , ടി.കെ.എൽദോസ് എന്നിവർ പ്രസംഗിച്ചു.
CHUTTUVATTOM
കോതമംഗലം താലൂക്കിലെ അങ്കന്വാടികളില് അമൃതംപൊടി വിതരണം നിലച്ചതായി പരാതി

കോതമംഗലം: താലൂക്കിന്റെ വിവിധ ഭാഗങ്ങളിലെ അങ്കന്വാടികളില് കുഞ്ഞുങ്ങള്ക്ക് നല്കുന്ന അമൃതംപൊടി വിതരണം നിലച്ചതായി പരാതി. താലൂക്കില് 236 അങ്കണവാടികളാണ് ഉള്ളത്. ഇതില് ഭൂരിഭാഗം അങ്കന്വാടികളിലും രണ്ട് മാസത്തോളമായി അമൃതം പൊടി വിതരണം നിലച്ചിട്ട് വിതരണം നിലച്ചിതില് ശക്തമായ പ്രതിഷേധവും ഉയരുന്നുണ്ട്്. രക്ഷിതാക്കളും അങ്കന്വാടി ജീവനക്കാരും ഇക്കാര്യം ബന്ധപ്പെട്ടവരുടെ ശ്രദ്ധയില്പ്പെടുത്തിയിട്ടും പരിഹാരമായിട്ടില്ലെന്നാണ് ആക്ഷേപം. ആറ് മാസം മുതല് മൂന്ന് വയസ് വരെയുള്ള കുഞ്ഞുങ്ങള്ക്കാണ് അമൃതംപൊടി നല്കുന്നത്. ഒരു കുഞ്ഞിന് ദിവസേന 135 ഗ്രാം എന്ന തോതില് ഒരു മാസത്തേക്ക്്് അഞ്ഞൂറ് ഗ്രാം വീതമുള്ള ആറ് പാക്കറ്റുകളാണ് നല്കുന്നത്. പെരുമ്പാവൂര് വെങ്ങോല ഭാഗത്ത് നിന്ന് കുടുംബശ്രീ യൂണിറ്റ് മുഖേനയാണ് താലൂക്കില് ഉള്പ്പെടെ അമൃതം പൊടി വിതരണം ചെയ്തിരുന്നത്. യൂണിറ്റ് പുതിയ കെട്ടിടത്തിലേക്ക് മാറ്റി പ്രവര്ത്തനം തുടങ്ങാന് വൈദ്യുതി കണക്ഷന് ലഭിക്കാത്തതാണ് കാരണം. യൂണിറ്റിന്റെ അറ്റകുറ്റപണി നടക്കുന്നതിനാലാണ് അമൃതം പൊടിയുടെ വിതരണം മുടങ്ങിയിട്ടുള്ളതെന്നാണ് അധികൃതര് അങ്കന്വാടി ജീവനക്കാരെ അറിയിച്ചിട്ടുള്ളത്. എന്നാല് മറ്റ് യൂണിറ്റുകളില് നിന്ന് അമൃതംപൊടി എത്തിക്കാനും നടപടിയുണ്ടായില്ല. അടുത്തമാസം പൊടി ലഭ്യമാകുമെന്ന് പറയുന്നുണ്ടെങ്കിലും ഇക്കാര്യത്തില് കൃത്യമായ ഉറപ്പ് ലഭിച്ചിട്ടില്ലെന്നും ജീവനക്കാര് പറഞ്ഞു.
CHUTTUVATTOM
പൈങ്ങോട്ടൂര് ശ്രീനാരായണഗുരു കോളേജില് ഒന്നാം വര്ഷ ബിരുദ ക്ലാസുകള് ആരംഭിച്ചു

പൈങ്ങോട്ടൂര് : ശ്രീനാരായണഗുരു കോളേജ് ഓഫ് ആര്ട്സ് ആന്ഡ് സയന്സില് ഒന്നാം വര്ഷ ബിരുദ ക്ലാസുകള് ആരംഭിച്ചു. കോളേജ് പത്താം വര്ഷത്തിലേക്ക് കടക്കുന്നതിന്റെ ഭാഗമായി പൈങ്ങോട്ടൂര് പഞ്ചായത്ത് പ്രസിഡന്റ് ജിജി സാജു ഒരു വര്ഷം നീണ്ടു നില്ക്കുന്ന ആഘോഷങ്ങള്ക്ക് തുടക്കംകുറിച്ചു. കോളേജ് പ്രിന്സിപ്പല് ഡോക്ടര് ആശ എന്.പി അധ്യക്ഷത വഹിച്ചു. 2022-23 അധ്യയന വര്ഷത്തെ കോളേജ് മാഗസിന് ‘ചിമിഴ്’ പ്രകാശനം ഗുരുചൈതന്യ ചാരിറ്റബിള് ട്രസ്റ്റ് സെക്രട്ടറി ഹനി പൂമ്പാലവും, 2019-20 അധ്യയന വര്ഷത്തെ മാഗസിന് ‘മുക്കൂറ്റി’ പ്രകാശനം ഗുരു ചൈതന്യ ചാരിറ്റബിള് ട്രസ്റ്റ് ട്രഷറര് ശോഭ ശശി രാജും നിര്വഹിച്ചു. മാനേജര് ജോമോന് മണി,പ്രസിഡന്റ് സുരേന്ദ്രന് ആരവല്ലി, വൈസ് പ്രിന്സിപ്പല് ശ്രീനി എം.എസ്, പി.റ്റി. എ വൈസ് പ്രസിഡന്റ് ഫീനിക്സ് സാല്മോന്, മുന് പി.ടി.എ വൈസ് പ്രസിഡന്റ് സന്തോഷ് തകിടിയില്, ചെയര്മാന് ജിതിന് ജോര്ജ് എന്നിവര് പ്രസംഗിച്ചു.
-
CRIME1 week ago
നിരന്തര കുറ്റവാളിയായ കോതമംഗലം സ്വദേശിയെ കാപ്പ ചുമത്തി നാട് കടത്തി
-
NEWS5 days ago
കോതമംഗലം നഗരത്തിലെ വിവിധ ഹോട്ടലുകളിൽ മിന്നൽ പരിശോധന : പഴകിയ ഭക്ഷണസാധനങ്ങൾ പിടിച്ചെടുത്തു.
-
CRIME1 week ago
കോതമംഗലത്ത് വൻ ചീട്ടുകളി സംഘം പിടിയിൽ
-
CRIME1 day ago
നിരന്തര കുറ്റാവാളിയെ കാപ്പ ചുമത്തി നാട് കടത്തി
-
NEWS11 hours ago
പോലീസ് ഉദ്യോഗസ്ഥനെ വീടിനുള്ളില് തുങ്ങി മരിച്ച നിലയില് കണ്ടെത്തി
-
NEWS4 days ago
സഞ്ചാര സ്വാതന്ത്ര്യം തടഞ്ഞ് വനം വകുപ്പ് : മാമലക്കണ്ടത്ത് സംഘർഷാവസ്ഥ
-
NEWS1 week ago
എന്റെ കോതമംഗലം എക്സ്പോ-23 ആരംഭിച്ചു
-
NEWS1 week ago
കാട്ടാന ശല്യം ഉണ്ടായ പ്രദേശങ്ങൾ ആന്റണി ജോൺ എം എൽ എ സന്ദർശിച്ചു