വാരപ്പെട്ടിക്കാർക്ക് കൗതുക കാഴ്ചയൊരുക്കി നാഗ ചിത്രശലഭം.

കോതമംഗലം: വാരപ്പെട്ടിക്കാർക്ക് കൗതുക കാഴ്ചയൊരുക്കി നാഗ ചിത്രശലഭം വിരുന്നെത്തി. വാരപ്പെട്ടി കടപ്പെഴുത്തിങ്കൽ ബാബുവിന്റെ പുരയിടത്തിലാണ് ഇന്നലെ രാവിലെ അപൂർവ്വയിനം ചിത്രശലഭം വന്നെത്തിയത്. ചിറകിൽ പാമ്പിന്റെ തലയുടെ ആകൃതിയിലുള്ള സാധാരണ ചിത്രശലഭത്തിൻ്റെ നാലിരട്ടി വലുപ്പവുമുള്ള ചിത്രശലഭത്തെ കണ്ടത്.

അത്യപൂർവമായ ഈ ചിത്രശലഭത്തെ കണ്ടതിൽ ഏറെ സന്തോഷത്തിലാണ് നാട്ടുകാർ. നിരവധി പേരാണ് നാഗ ചിത്രശലഭത്തിനെ നേരിൽ കാണാനും ഫോട്ടോ പകർത്താനും എത്തുന്നതെന്ന് ബാബു പറഞ്ഞു.