കോതമംഗലം : മുഖ്യമന്ത്രിയുടെ ദുരിതാശ്വാസ നിധിയിലേക്ക് ഭാര്യയുടേയും, ഭർത്താവിന്റേയും ശമ്പളം നൽകിയത് കൂടാതെ ദുരിതാശ്വാസ നിധിയിലേ പണം സമാഹരിക്കുന്നതിനായി ഡി വൈ എഫ് ഐ നടത്തുന്ന റീസൈക്കിൾ കേരള പരിപാടിയിലേക്ക് ബെക്ക്, സൈക്കിൾ, ഫ്രിഡ്ജ്, വാഷിംങ്ങ് മെഷീൻ, ടെലിവിഷനുകൾ, കമ്പ്യൂട്ടർ, ന്യൂസ് പേപ്പറുകൾ എന്നിവ എം എൽ എ ആന്റണി ജോണിന് കൈമാറി ദമ്പതികൾ മാതൃകയായി.
കോതമംഗലം മാർ അത്തനേഷ്യസ് കോളേജ് യൂണിയൻ മുൻ ചെയർമാനും, എക്സൈസ് പ്രിവന്റീവ് ഓഫീസറുമായ വാരപ്പെട്ടി പഞ്ചായത്ത് മൈലൂർ ഏരംതുരുത്തിൽ
എം എ കെ ഫൈസൽ, ഹയർ സെക്കന്ററി അധ്യാപികയായ ഭാര്യ വസീദ റഹ്മാൻ എന്നിവരാണ് പാഴ്വസ്തുക്കൾ ഡി വൈ എഫ് ഐ യുടെ റീസൈക്കിൾ കേരളയിലേക്ക് നൽകിയത്. ചടങ്ങിൽ ബ്ലോക് പഞ്ചായത്തംഗം ഒ ഇ അബ്ബാസ്, വാരപ്പെട്ടി സർവ്വീസ് സഹകരണ ബാങ്ക് ഡയറക്ടർ ബോർഡംഗം സി എച്ച് അബു, സി പി ഐ എം ലോക്കൽ കമ്മിറ്റി അംഗം പി എം മീരാൻകുഞ്ഞ്, ബ്രാഞ്ച് സെക്രട്ടറി സി എം സലിം, നാസർ ആക്കടയിൽ, ഹക്കിം മുഹമ്മദ്, മൈലൂർ യൂണിറ്റ് ഭാരവാഹികളായ അസ്ലം സലിം, അഫീദ് റഹ്മാൻ എന്നിവർ പങ്കെടുത്തു.
