- എൽദോസ് കൊച്ചുപുരക്കൽ
കോട്ടപ്പടി : ചേറങ്ങനാൽ ബി എസ് എൻ എൽ മൊബൈൽ ടവറിനോട് ചേർന്നുള്ള സ്ഥലത്തുനിന്നും മലമ്പാമ്പിനെ പിടികൂടി. കപ്പ കൃഷി ചെയ്യുന്നതിനായി സ്ഥലം ഒരുക്കുകയായിരുന്ന ജെസിബി ഓപ്പറേറ്റർ ആണ് പാമ്പിനെ കാണുന്നത്. തുടർന്ന് നാട്ടുകാരെ വിവരം അറിയിക്കുകയും പാമ്പിനെ പിടികൂടുകയുമായിരുന്നു. വിവരം അറിയിച്ചതിനെത്തുടർന്ന് വനം വകുപ്പ് ജീവനക്കാരനെത്തി പാമ്പിനെ ഏറ്റെടുത്തു. ആറ് കിലോയോളം തൂക്കം വരുന്ന പാമ്പ് ഷീണിച്ച അവസ്ഥയിലായിരുന്നു.
ടൗണിനോട്‌ ചേർന്ന് കിടക്കുന്ന സ്ഥലത്തു നിന്നും മലമ്പാമ്പിനെ പിടികൂടിയത് നാട്ടുകാരിൽ ആശങ്ക ഉണ്ടാക്കിയിരിക്കുകയാണ്. ബി എസ് എൻ എൽ മൊബൈൽ ടവർ കാട് പിടിച്ചു കിടക്കുന്ന അവസ്ഥയിലുമാണ് ഉള്ളത്.
