കോതമംഗലം: പിണ്ടിമന പഞ്ചായത്തിലെ ഒന്നാം വാർഡായ വേട്ടാംമ്പാറയിൽ വീണ്ടും കാട്ടാനയിറങ്ങി ഏത്തവാഴകളടക്കമുള്ള കാർഷിക വിളകൾ നശിപ്പിച്ചു. കഴിഞ്ഞ ദിവസം രാത്രിയോടെയാണ് കാട്ടാന കൃഷിയിടങ്ങളിൽ എത്തിയത്. ജോബി ആൻ്റണി, അറയാനിക്കൽ എന്ന കർഷകൻ കൃഷി ചെയ്ത ഇൻഷൂർ ചെയ്ത കുലക്കാത്ത ഏത്തവാഴകൾ എഴുപതോളം പൂർണ്ണമായുംനശിപ്പിക്കപ്പെട്ടത്. കയ്യാലകളും, ഫെൻസിംഗും ഉൾപ്പെടെ തകർത്തുകൊണ്ട് നിത്യവും ആനകൾ വരുന്നത് കാർഷിക മേഖലക്ക് കനത്ത തിരിച്ചടിയാണ് വരുത്തുന്നത്.അധികൃതരുടെ ഇടപെടൽ കാര്യക്ഷമമാക്കണമന്നും കർഷകർ ആവശ്യപ്പെട്ടു.
കൃഷിനാശ നഷ്ടം സംഭവിച്ചക്യഷിയിടങ്ങൾ വാർഡ് മെമ്പർ സിബി പോൾ,
പിണ്ടിമനകൃഷി ഓഫീസർ ഇ.എം.അനീഫ, കൃഷി അസിസ്റ്റൻ്റ് വി.കെ.ജിൻസ് എന്നിവർ കൃഷിയിടം സന്ദർശിച്ച് നാശനഷ്ടം വിലയിരുത്തി. കാട്ടാന ശല്യം രൂക്ഷമാകുന്ന ഈ മേഖലകളിൽ കാർഷിക വിളകൾക്കുണ്ടാകുന്ന നഷ്ടംകുറക്കുന്നതിനായി കർഷകരെ വിള ഇൻഷൂറൻസ് പദ്ധതിയിൽ അംഗമാക്കുന്നതിനുള്ള പദ്ധതികൾ ഈ പ്രദേശങ്ങളിൽവ്യാപിപ്പിക്കുന്നതിനുള്ളപ്രവർത്തനങ്ങൾ നടന്നുവരികയാണന്നും കൃഷിവകുപ്പ് ഉദ്യോഗസ്ഥർ വ്യക്തമാക്കി.
