Connect with us

Hi, what are you looking for?

CHUTTUVATTOM

ആലിൻ ചുവട് കുടിവെള്ള പദ്ധതിക്ക് തുടക്കം.

പെരുമ്പാവൂർ : വെങ്ങോല ഗ്രാമപഞ്ചായത്ത് ടാങ്ക് സിറ്റി പ്രദേശത്ത് നിർമ്മിക്കുന്ന കുടിവെള്ള പദ്ധതിക്ക് തുടക്കമായി. എൽദോസ് കുന്നപ്പിള്ളി എം.എൽ.എ പദ്ധതിയുടെ നിർമ്മാണോദ്‌ഘാടനം നിർവഹിച്ചു. കഴിഞ്ഞ വർഷത്തെ ആസ്തി വികസന ഫണ്ടിൽ നിന്നും അനുവദിച്ച 17.10 ലക്ഷം രൂപ വിനിയോഗിച്ചാണ് പദ്ധതി നടപ്പിലാക്കുന്നത്. ആലിൻ ചുവട്, വളയൻ ചിറങ്ങര എൽ.പി സ്‌കൂളിന് സമീപമുള്ള പ്രദേശങ്ങളിലെ അറുപതോളം കുടുംബങ്ങൾക്ക് ഇതിന്റെ പ്രയോജനം ലഭിക്കും. നിലവിലുള്ള ആലിൻ ചുവട് ചിറയിൽ നിന്നാണ് പദ്ധതിക്ക് ആവശ്യമായ ജലം ലഭ്യമാക്കുന്നത്. മോട്ടോർ പുരയും 25000 ലിറ്റർ ശേഷിയുള്ള ജല സംഭരണിയും നിർമ്മിക്കും.

15 കുതിര ശക്തിയുള്ള മോട്ടോർ സ്ഥാപിക്കുന്നതിനും തുക ഉൾക്കൊള്ളിച്ചിട്ടുണ്ട്. ജലവിതരണത്തിനായി ഒന്നര കിലോമീറ്റർ ദൈർഘ്യത്തിൽ പൈപ്പ് ലൈനുകളും സ്ഥാപിക്കും. ഈ പ്രദേശങ്ങളിൽ കാലങ്ങളായി കുടിവെള്ള ക്ഷാമം രൂക്ഷമാണ്. ജല വകുപ്പിന്റെ കുടിവെള്ളം പോലും ഇവിടെ ലഭ്യമാകുന്നില്ല എന്ന പരാതിയുണ്ട്. നിലവിലുള്ള ആലിൻ ചുവട് പട്ടിക ജാതി കുടിവെള്ള പദ്ധതിക്ക് സമീപമായാണ് പുതിയ പദ്ധതിയും നിർമ്മിക്കുന്നത്. ഗ്രാമപ്പഞ്ചായത്ത് പ്രസിഡന്റ് എൻ.ബി ഹമീദ് അധ്യക്ഷത വഹിച്ചു. ബ്ലോക്ക് പഞ്ചായത്ത് പ്രസിഡന്റ് കെ.എം അൻവർ അലി, പഞ്ചായത്ത് വൈസ് പ്രസിഡന്റ് ഷംല നാസർ, പഞ്ചായത്ത് അംഗം ഷിഹാബ് പള്ളിക്കൽ, കെ.എം സുകുമാരൻ, ജോജി ജേക്കബ്ബ്, ടി.എം കുര്യാക്കോസ്, വി.എച്ച് മുഹമ്മദ്, എം.പി ജോർജ്ജ്, പി.എ ജോസ്, പി.പി യാക്കോബ് എന്നിവർ സംസാരിച്ചു.

microsoft project 2016 lizenz kaufen

You May Also Like

CHUTTUVATTOM

പെരുമ്പാവൂർ : വേങ്ങൂർ പഞ്ചായത്തിൽ ആറാം വാർഡിൽ സ്ഥിതി ചെയ്യുന്ന ആദിവാസി ഊരായ പോങ്ങൻ ചുവട് ആദിവാസി കൂടിയിലേക്ക് കെഎസ്ആർടിസി ബസ് അനുവദിക്കണമെന്ന എൽദോസ് കുന്നപ്പള്ളി എംഎൽഎയുടെ സബ്മിഷനിലൂടെയുള്ള ആവശ്യത്തിന് കെഎസ്ആർടിസി സർവീസ്...

CHUTTUVATTOM

പെരുമ്പാവൂർ : ബി.എം.ബി.സി നിലവാരത്തിൽ നിർമ്മാണം പൂർത്തീകരിച്ച കുറുപ്പുംപടി കൂട്ടിക്കൽ റോഡിൻ്റെ ഉദ്ഘാടനം പൊതുമരാമത്ത് വകുപ്പ് മന്ത്രി പി.എ മുഹമ്മദ് റിയാസ് ഓൺലൈനായി നിർവഹിച്ചു. ബജറ്റ് പ്രൊവിഷൻ ഫണ്ടിൽ നിന്നും 5.14 കോടി...

CRIME

പെരുമ്പാവൂർ : നൂറ്റി എഴുപത്തഞ്ചോളം ലാപ്പ്ടോപ്പുകളും അനുബന്ധ ഉപകരണങ്ങളും തട്ടിയെടുത്ത കേസിൽ ഇറിഗേഷൻ ജീവനക്കാരൻ അറസ്റ്റിൽ. ഒക്കൽ വല്ലം പണിക്കരു കുടിവീട്ടിൽ അൻസിഫ് മൊയ്തീൻ (30) നെയാണ് പെരുമ്പാവൂർ പോലീസ് അറസ്റ്റ് ചെയ്തത്....

CHUTTUVATTOM

പെരുമ്പാവൂർ : വേങ്ങൂർ പഞ്ചായത്തിലെ മേക്കപ്പാല പ്രദേശത്തെ കാട്ടാന ആക്രമണത്തിൽ പരിക്കേറ്റവർക്ക് 10 ലക്ഷം രൂപ നഷ്ടപരിഹാരം നൽകണമെന്ന് എൽദോസ് കുന്നപ്പിള്ളി എംഎൽഎ ആവശ്യപ്പെട്ടു. വനം വകുപ്പ് മന്ത്രി എ.കെ ശശീന്ദ്രന് നൽകിയ...