Connect with us

Hi, what are you looking for?

CHUTTUVATTOM

തുരുത്തിച്ചിറ ലിഫ്റ്റ് ഇറിഗേഷൻ പദ്ധതിക്ക് പുതുജീവൻ വെക്കുന്നു.

പെരുമ്പാവൂർ : മുടക്കുഴ പഞ്ചായത്തിലെ തുരുത്തിച്ചിറ ലിഫ്റ്റ് ഇറിഗേഷൻ പദ്ധതിയുടെ പുനരുദ്ധാരണത്തിന് 13.30 ലക്ഷം അനുവദിച്ചതായി അഡ്വ എൽദോസ് കുന്നപ്പിള്ളി എം.എൽ.എ അറിയിച്ചു. പഞ്ചായത്തിലെ 6,7 വാർഡുകളിലൂടെയുള്ള ജലസേചനം കാര്യക്ഷമമാക്കുകയാണ് പദ്ധതി പുനരുദ്ധരിക്കുന്നതിലൂടെ ഉദ്ദേശിക്കുന്നത്. മറ്റു നടപടിക്രമങ്ങൾ കൂടി പൂർത്തീകരിച്ചു പദ്ധതിയുടെ നിർമ്മാണ പ്രവർത്തനങ്ങൾ ആരംഭിക്കും. ഈ വർഷത്തെ എം.എൽ.എ ആസ്തി വികസന ഫണ്ടിൽ നിന്നാണ് തുക അനുവദിച്ചത്.
പദ്ധതിക്കായി മോട്ടോർപുര പുതിയത് നിർമ്മിച്ചു അതിൽ 20 കുതിര ശക്തി ശേഷിയുള്ള മോട്ടർ സ്ഥാപിക്കും. ഇതോടൊപ്പം നിലവിലെ പൈപ്പുകൾ മാറ്റി ഏകദേശം 600 മീറ്ററോളം പുതിയ പൈപ്പുകൾ പദ്ധതിക്കായി സ്ഥാപിക്കും. പഞ്ചായത്തിലെ വാർഡുകളിലെ സുഗമമായ കൃഷി ആവശ്യത്തിനും കിണറിലെ ജലനിരപ്പ് നിലനിർത്തുന്നതിനും ഈ പദ്ധതി ഗുണകരമാണ്. ഏകദേശം 600 കുടുംബങ്ങളിലെ കാർഷിക ആവശ്യങ്ങൾക്കുള്ള ജലം ഇതിലൂടെ ലഭിക്കും.
1973 ലാണ് തുരുത്തിച്ചിറ ജലസേചന പദ്ധതിക്ക് തുടക്കമിടുന്നത്. പദ്ധതിയുടെ മോട്ടോർ പുരക്ക് സമീപമുള്ള തുരുത്തിച്ചിറയിൽ നിന്നാണ് ഇതിന് ആവശ്യമായ ജലം ലഭിക്കുന്നത്. ഇവിടെ നിന്ന് വെള്ളം ലിഫ്റ്റ് ചെയ്തു കോൺക്രീറ്റ് തോട് വഴി വിവിധ പ്രദേശങ്ങളിലേക്ക് ലഭ്യമാക്കുന്ന രീതിയിലാണ് പദ്ധതി അവതരിപ്പിച്ചിരിക്കുന്നത്. 47 കൊല്ലം മുമ്പ് സ്ഥാപിച്ച മോട്ടോർ പുരയും മോട്ടറും കാലപ്പഴക്കം മൂലം ഇപ്പോൾ നശിച്ച അവസ്ഥയിലാണ്. അതിന് ശേഷം ഇതുവരെ ഇവ മാറ്റി സ്ഥാപിച്ചിട്ടില്ല. അന്ന് സ്ഥാപിച്ച പൈപ്പുകളും ദ്രവിച്ചു ജലവിതരണം തടസ്സപ്പെട്ട അവസ്ഥയിലാണ് പദ്ധതിക്കായി എൽദോസ് കുന്നപ്പിള്ളി എം.എൽ.എ തുക അനുവദിച്ചതെന്ന് ജില്ല പഞ്ചായത്ത് അംഗം ഷൈമി വർഗീസും വാർഡ് അംഗം പി.പി അവറാച്ചനും പറഞ്ഞു.

You May Also Like

CHUTTUVATTOM

പെരുമ്പാവൂർ : വേങ്ങൂർ പഞ്ചായത്തിൽ ആറാം വാർഡിൽ സ്ഥിതി ചെയ്യുന്ന ആദിവാസി ഊരായ പോങ്ങൻ ചുവട് ആദിവാസി കൂടിയിലേക്ക് കെഎസ്ആർടിസി ബസ് അനുവദിക്കണമെന്ന എൽദോസ് കുന്നപ്പള്ളി എംഎൽഎയുടെ സബ്മിഷനിലൂടെയുള്ള ആവശ്യത്തിന് കെഎസ്ആർടിസി സർവീസ്...

CHUTTUVATTOM

പെരുമ്പാവൂർ : ബി.എം.ബി.സി നിലവാരത്തിൽ നിർമ്മാണം പൂർത്തീകരിച്ച കുറുപ്പുംപടി കൂട്ടിക്കൽ റോഡിൻ്റെ ഉദ്ഘാടനം പൊതുമരാമത്ത് വകുപ്പ് മന്ത്രി പി.എ മുഹമ്മദ് റിയാസ് ഓൺലൈനായി നിർവഹിച്ചു. ബജറ്റ് പ്രൊവിഷൻ ഫണ്ടിൽ നിന്നും 5.14 കോടി...

CRIME

പെരുമ്പാവൂർ : നൂറ്റി എഴുപത്തഞ്ചോളം ലാപ്പ്ടോപ്പുകളും അനുബന്ധ ഉപകരണങ്ങളും തട്ടിയെടുത്ത കേസിൽ ഇറിഗേഷൻ ജീവനക്കാരൻ അറസ്റ്റിൽ. ഒക്കൽ വല്ലം പണിക്കരു കുടിവീട്ടിൽ അൻസിഫ് മൊയ്തീൻ (30) നെയാണ് പെരുമ്പാവൂർ പോലീസ് അറസ്റ്റ് ചെയ്തത്....

CHUTTUVATTOM

പെരുമ്പാവൂർ : വേങ്ങൂർ പഞ്ചായത്തിലെ മേക്കപ്പാല പ്രദേശത്തെ കാട്ടാന ആക്രമണത്തിൽ പരിക്കേറ്റവർക്ക് 10 ലക്ഷം രൂപ നഷ്ടപരിഹാരം നൽകണമെന്ന് എൽദോസ് കുന്നപ്പിള്ളി എംഎൽഎ ആവശ്യപ്പെട്ടു. വനം വകുപ്പ് മന്ത്രി എ.കെ ശശീന്ദ്രന് നൽകിയ...