പെരുമ്പാവൂര്‍: പുല്ലുവഴിയിൽ എം.സി റോഡില്‍ നിര്‍ത്തിയിട്ടിരുന്ന തടിലോറിയിൽ കാറിടിച്ച് ദമ്പതിമാരും സഹോദരനും മരിച്ചു. മലപ്പുറത്ത് നിന്നും സുമയ്യയുടെ മുണ്ടക്കയത്തെ വീട്ടിലേക്ക് പോകുന്നതിനിടെയാണ് അപകടമുണ്ടായത്. മലപ്പുറം സ്വദേശികളായ ഹനീഫ (29) സഹോദരൻ ഷാജഹാൻ (27) ഭാര്യ സുമയ്യ (20) എന്നിവരാണ് മരിച്ചത്. ലോറി ഡ്രൈവർ പത്തനംതിട്ട സ്വദേശി സുനിൽ പോലീസ് കസ്റ്റഡിയിലെടുത്തിട്ടുണ്ട്.
എം സി.റോഡിൽ പുല്ലുവഴി കലവറ ഹോട്ടലിനു സമീപം പുലർച്ചെ 3.30നാണ് അപകടം. മൃതദേഹങ്ങള്‍ പെരുമ്പാവൂര്‍ താലൂക്ക് ആശുപത്രിയിലും പെരുമ്പാവൂര്‍ സാഞ്ചോ ആശുപത്രിയിലും സൂക്ഷിച്ചിരിക്കുന്നു.
