പെരുമ്പാവൂർ : പെരുമ്പാവൂർ ഗവൺമെന്റ് പോളിടെക്‌നിക് കോളേജിൽ 9.8 കോടി രൂപ വിനിയോഗിച്ച് അഡ്മിസ്നിസ്ട്രേറ്റീവ് ബ്ലോക്കിന്റെയും ഓഡിറ്റോറിയത്തിന്റെയും നിർമാണം പൂർത്തിയായികൊണ്ടിരിക്കുന്നു. കിഫ്ബി ഫണ്ട്‌ ഉപയോഗിച്ചാണ് നിർമാണം. 6 കോടി രൂപയുടെ ഇലക്ട്രോണിക്സ് ബ്ലോക്കിന് ഭരണാനുമതി ലഭ്യമായിട്ടുണ്ടെന്നും ഇതോടെ കോളേജ് അന്താരാഷ്ട്ര നിലവാരത്തിലേക്ക് എത്താൻ സാധിക്കുമെന്ന് എൽദോസ് കുന്നപ്പള്ളി എംഎൽഎ അറിയിച്ചു. കോളേജ് അന്താരാഷ്ട്ര നിലവാരത്തിലേക്ക് മാറുന്നതിനുള്ള NBA അക്രിഡിക്കേഷൻ നടപടികളുടെ അവസാനഘട്ടത്തിൽ കോളേജിലെ പ്രവർത്തന മേന്മ ഉറപ്പുവരുത്തുന്ന കമ്മറ്റിയുടെ യോഗത്തോട് അനുബന്ധിച്ച് സന്ദർശനം എൽദോസ് കുന്നപ്പള്ളി എംഎൽഎ നടത്തി
കഴിഞ്ഞ 5 പതിറ്റാണ്ടുകളായി ഗുണമേന്മയുള്ള നൈപുണ്യ വിദ്യാഭ്യാസം നൽകുന്ന ഒരു സാങ്കേതിക സ്ഥാപനമെന്ന നിലയിൽ സമൂഹത്തെ സേവിക്കുന്നതിൽ പെരുമ്പാവൂരിലെ ഗവൺമെന്റ് പോളിടെക്‌നിക് കോളേജ് എന്നും മുൻപന്തിയിലാണ്. ഭൂരിഭാഗം പൂർവ്വ വിദ്യാർത്ഥികളും കേന്ദ്ര, സംസ്ഥാന, പൊതുമേഖലാ സ്ഥാപനങ്ങളുടെ സാങ്കേതിക വകുപ്പുകളിൽ പ്രധാന പങ്ക് വഹിക്കുന്നതിനാൽ ഈ സ്ഥാപനം പ്രദേശത്തിന്റെ വികസനത്തിന് വളരെയധികം സംഭാവന നൽകി.
സംസ്ഥാനത്ത് പ്ലൈവുഡ് വ്യവസായത്തിന്റെ കേന്ദ്രമായി പെരുമ്പാവൂർ സ്ഥാപിക്കുന്നതിന് ഈ സ്ഥാപനം വളരെയധികം സംഭാവന നൽകിയിട്ടുണ്ട്. 1959-ൽ ജൂനിയർ ടെക്‌നിക്കൽ സ്‌കൂളായി സ്ഥാപിതമായി, പിന്നീട് 1994-ൽ ഗവ. കേരള സർക്കാരിന്റെ സാങ്കേതിക വിദ്യാഭ്യാസ വകുപ്പിന് കീഴിലുള്ള പോളിടെക്‌നിക് കോളേജ്, ന്യൂഡൽഹിയിലെ ഓൾ ഇന്ത്യ കൗൺസിൽ ഫോർ ടെക്‌നിക്കൽ എജ്യുക്കേഷന്റെ (AICTE) അംഗീകാരമുള്ളതാണ്.
എറണാകുളം ജില്ലയുടെ മധ്യഭാഗത്ത് കൂവപ്പടി പഞ്ചായത്തിലെ പച്ചപ്പിന്റെ ഇടയിൽ 6.93 ഏക്കർ വിസ്തൃതിയുള്ള വിശാലമായ കാമ്പസിലാണ് രണ്ട് ലക്ഷം ചതുരശ്ര അടി വിസ്തീർണ്ണമുള്ള ഈ കോളേജ് സ്ഥിതി ചെയ്യുന്നത്. വ്യാവസായിക, വിനോദസഞ്ചാര മേഖലകൾക്ക് നടുവിൽ സ്ഥിതി ചെയ്യുന്ന ഈ കോളേജ് വിദ്യാർത്ഥികൾക്ക് സുഖപ്രദമായ അന്തരീക്ഷം പ്രദാനം ചെയ്യുന്നു, ഒപ്പം നന്നായി ബന്ധപ്പെട്ടിരിക്കുന്നു. അടിസ്ഥാന സൗകര്യങ്ങൾ തുടർച്ചയായി നവീകരിക്കുകയാണ്.
പെരുമ്പാവൂർ ഗവൺമെന്റ് പോളിടെക്നിക്കിന്റെ IQAC യോഗം നവംബർ 18 തീയതി നടന്നു. കോളേജ് അന്താരാഷ്ട്ര നിലവാരത്തിലേക്ക് മാറുന്നതിനുള്ള NBA അക്രിഡിക്കേഷൻ നടപടികളുടെ അവസാനഘട്ടത്തിൽ കോളേജിലെ പ്രവർത്തന മേന്മ ഉറപ്പുവരുത്തുന്ന കമ്മറ്റിയുടെ യോഗമാണ് നടന്നത്. പോളിംഗ് പ്രിൻസിപ്പൽ ഡോക്ടർ ഐജു തോമസ് അധ്യക്ഷനായ യോഗത്തിൽ സ്റ്റാഫ് അഡ്വൈസർ ബിജു പീറ്റർ സ്വാഗതം പറഞ്ഞു, യോഗം എൽദോസ് കുന്നപ്പിള്ളി എംഎൽഎ ഉദ്ഘാടനം ചെയ്തു.
കോളേജിന്റെ മുന്നോട്ടുള്ള പ്രവർത്തനങ്ങളിൽ അധ്യാപകരോടൊപ്പം വിദ്യാർഥികളുടെയും സഹകരണം വളരെ വലുതാണെന്നും MLA വിലയിരുത്തി. എംഎൽഎയുടെ വികസന ഫണ്ടിൽനിന്നും ഇതിൽ 50 ലാപ്ടോപ്പുകൾക്ക് പുറമേ അടുത്തവർഷം നൂറോളം ലാപ്ടോപ്പുകൾ കൂടി വിതരണം ചെയ്യാം എന്നും എൽദോസ് കുന്നപ്പിള്ളി എംഎൽഎ ഉറപ്പുനൽകി. കൂടാതെ പെരുമ്പാവൂർ ഗവൺമെന്റ് പോളിടെക്നിക്കിൽ വച്ച് ASAP ന്റെ സഹകരണത്തോടെ കമ്പസ് പ്ലേസ് മെന്റ് അടുത്ത വർഷം ആദ്യം നടത്താമെന്നും അറിയിച്ചു. മെറിബോയ് ഐസ്ക്രീം കമ്പനി ഡയറക്ടർ എം ഇ വർഗീസ് ഇൻഡസ്ട്രിക്കും കോളേജിൽ തമ്മിലുള്ളബന്ധം കൂട്ടേണ്ട ആവശ്യകത അറിയിച്ചു.
സാങ്കേതിക വിദ്യാഭ്യാസ വകുപ്പ് കോഴിക്കോട് റീജിയണൽ ജോയിൻ ഡയറക്ടർ കോളേജിന്റെ ഉയർച്ചയ്ക്ക് സാധ്യതയെ കുറിച്ച് സംസാരിച്ചു. പിടിഎ വൈസ് പ്രസിഡന്റ് ബാവ കുഞ്ഞ്, വാർഡ് മെമ്പർ എം ഒ ജോസ്, വിവിധ ഡിപ്പാർട്മെന്റ് തലവന്മാർ, പൂർവ്വ വിദ്യാർത്ഥി സെക്രട്ടറി തുഷാര, വിദ്യാർത്ഥി പ്രതിനിധികൾ പങ്കെടുത്തു. IQAC കമ്മറ്റി അംഗങ്ങൾ കോളേജിന്റെ നിർമ്മാണ പ്രവർത്തനങ്ങൾ വിലയിരുത്തുകയും, FABLAB സന്ദർശിക്കുകയും ചെയ്തു.
