കോതമംഗലം :ആയിരങ്ങളുടെ അന്ത്യാഞ്ജലികൾ ഏറ്റുവാങ്ങി മുൻ മന്ത്രിയും, കേരള കോൺഗ്രസ്‌ (ജോസഫ് )വർക്കിങ് ചെയർമാനുമായ പി. ജെ ജോസഫ് എം എൽ എ യുടെ ഇളയപുത്രൻ തൊടുപുഴ, പുറപ്പുഴ പാലത്തിനാൽ ജോമോൻ ജോസഫ്ന്റെ( ജോക്കുട്ടൻ-34 ) സംസ്കാര ശുശ്രുഷകൾ പുറപ്പുഴ സെന്റ് സെബാസ്ത്യൻസ് പള്ളിയിലെ കുടുംബ കല്ലറയിൽ നടന്നു.
ഹൃദയ സംബന്ധമായ അസുഖത്തെ തുടർന്ന് ചികിത്സയിലിരിക്കെയാണ് മരണം.
ഇന്നലെ മരണ വിവരം അറിഞ്ഞത് മുതൽ സംസ്ഥാനത്തിന്റെ വിവിധ ഭാഗങ്ങളിൽ നിന്നും കേരളകോൺഗ്രസ്‌ പ്രവർത്തകരും, ജനങ്ങളും എല്ലാം എത്തി ചേർന്നിരുന്നു.ഇന്നലെ വൈകിട്ടു അഞ്ചോടെയാണ് ആശു പത്രിയിൽ നിന്നും ഭൗദീക ശരീരം പുറപ്പുഴയിലുള്ള വസതിയിൽ എത്തിച്ചത്.
സമൂഹത്തിന്റെ നാനാ തുറകളിൽ പെട്ടവർ അന്ത്യാഞ്ജലികൾ അർപ്പിച്ചു. ബിഷപ്പുമാർ, വൈദീകർ, കന്യാസ്ത്രീകൾ, മത മേധാവികൾ, പൊതു പ്രവർത്തകർ , മന്ത്രിമാർ, എം എൽ എ മാർ എന്നിവർ വസതിയിലെത്തി ആദരാഞ്ജലികൾ അർപ്പിച്ചു. മാതാവ് ഡോ. ശാന്ത (ആരോഗ്യവകുപ്പ് മുൻ അഡിഷണൽ ഡയറക്ടർ )സഹോദരങ്ങൾ :അപു ജോൺ ജോസഫ്, ഡോ അനു യമുന ജോസഫ്, ആന്റണി ജോസഫ്.
