ഓണം – കോതമംഗലം താലൂക്കിൽ എക്സ് സൈസ് പരിശോധന കർശന മാക്കാൻ തീരുമാനം.

കോതമംഗലം :ഓണനാളുകളിലെ ലഹരി വ്യാപനം തടയുന്നതിനായുള്ള പരിശോധന കോതമംഗലം താലൂക്കിൽ കർശന മാക്കാൻ തീരുമാനം. കോതമംഗലം എക്സ് സൈസ് സർക്കിൾ ഓഫീസിൽ ചേർന്ന താലൂക്ക് തല അവലോകന യോഗത്തിന്റേതാണ് തീരുമാനം.യോഗത്തിൽ ആന്റണി ജോൺ എം എൽ എ അധ്യക്ഷത വഹിച്ചു.
10 സംയുക്ത റെയ്‌ഡുകൾ ഉൾപ്പെടെ 1141 പരിശോധനകൾ നടത്തിയിട്ടുള്ളതും, 2310 വാഹനങ്ങൾ പരിശോധനയ്ക്ക് വിധേയമാക്കിയിട്ടുള്ളതും, പരിശോധനകൾക്കിടയിൽ 114 എൻ ഡി പി എസ് കേസുകളും, 120 അബ്കാരി കേസുകളും,ഈ കേസുകളിൽ ഉൾപ്പെട്ട മൂന്നു വാഹനങ്ങളും 17 ലിറ്റർ വ്യാജ വാറ്റുചാരായം, ഒരു നാടൻ തോക്ക്, 667 ലിറ്റർ വാഷ്, 28.404 കിലോഗ്രാം കഞ്ചാവ്, 21.739 ഗ്രാം ഹാഷിഷ് ഓയിൽ ,9.59 ഗ്രാം ഹെറോയിൻ, 4.633 ഗ്രാം എംഡിഎംഎ, ഒരു ഗ്രാം മെത്താംഫിറ്റാമിൻ, 3 കഞ്ചാവ് ചെടികൾ ,269.7 ലിറ്റർ വിദേശമദ്യം ,എന്നിവ കണ്ടെടുത്തിട്ടുള്ളതും അബ്കാരി എൻഡിപിഎസ് കേസുകളിലായി 16180/- രൂപ തൊണ്ടി മണിയായി കണ്ടെടുത്തിട്ടുള്ളതാണ്.

11 ഇതര സംസ്ഥാന തൊഴിലാളികളുടെ താമസ സ്ഥലങ്ങളിൽ നടത്തിയ പരിശോധനകൾ 17 കിലോഗ്രാം പുകയില ഉൽപ്പന്നങ്ങളും 273 കേസുകളിലായി 54600/- രൂപ പിഴ ഈടാക്കിയിട്ടുള്ളതും 37 നഗർ പരിശോധനകളും 1102 കള്ളുഷാപ്പുകൾ പരിശോധന നടത്തി. 177 കള്ളിന്റെ സാമ്പിളുകളും 72 പ്രാവശ്യം വിദേശ മദ്യഷാപ്പുകൾ പരിശോധിച്ചു. 20 വിദേശമദ്യ സാമ്പിളുകളും ശേഖരിച്ച് രാസ പരിശോധനയ്ക്ക് അയച്ചിട്ടുണ്ട്. കൂടാതെ ബി എൻ എസ് എസ് 129 വകുപ്പ് പ്രകാരം ജിതിൻ @കണ്ണൻ,അമ്പാടിസോമൻ എന്നിവർക്കെതിരെ നടപടികൾ സ്വീകരിക്കുന്നതിന് മൂവാറ്റുപുഴ ആർ ഡി ഒ യ്ക്ക്‌ 08.08.2025 കത്ത് നൽകിയിട്ടുണ്ട്. വിമുക്തി പ്രവർത്തനങ്ങളുടെ ഭാഗമായി സ്കൂൾ കോളേജ് റെസിഡൻസ് അസോസിയേഷനുകൾ സന്നദ്ധ സംഘടനകൾ ലീഗൽ സർവീസ് അതോറിറ്റി എന്നിവയുമായി സഹകരിച്ച് 120 പരിപാടികളും സംഘടിപ്പിച്ചിട്ടുള്ളതാണ് .

ലഹരി വിരുദ്ധ ബോധവൽക്കരണ ക്ലാസുകളും ഹാഫ് മരത്തോൺ തുടങ്ങിയ പരിപാടികളും സംഘടിപ്പിച്ചിട്ടുള്ളതാണ്.ഇത്തരത്തിലുള്ള എൻഫോഴ്സ്മെന്റ് പ്രവർത്തനങ്ങളും നിയമ നടപടികളും ബോധവൽക്കരണ പരിപാടികളും കഴിഞ്ഞ മാസങ്ങളിൽ കോതമംഗലം എക്സ് സൈസ് ഓഫീസിന്റെ പരിധിയിൽ നടത്തിയതായി എക്സ് സൈസ് സർക്കിൾ ഇൻസ്‌പെക്ടർ യോഗത്തെ അറിയിച്ചു. മുഖ്യമന്ത്രിയുടെ എക്സ് സൈസ് മെഡലിന് അർഹനായ അസിസ്റ്റന്റ് എക്സ് സൈസ് ഇൻസ്‌പെക്ടർ കെ എ നിയാസിന്റെ പ്രവർത്തനങ്ങൾ മാതൃകപരമാണെന്ന് എം എൽ എ യോഗത്തിൽ അഭിപ്രായപ്പെട്ടു. അവാർഡിന് അർഹനായ കെ എ നിയാസിനെ ആന്റണി ജോൺ എം എൽ എ പൊന്നാടയണിയിച്ച് ആദരിച്ചു. യോഗത്തിൽ മുനിസിപ്പൽ വൈസ് ചെയർപേഴ്സൺ സിന്ധു ഗണേഷൻ, കുട്ടമ്പുഴ പഞ്ചായത്ത് പ്രസിഡന്റ്‌ കാന്തി വെള്ളക്കയ്യൻ, കീരമ്പാറ പഞ്ചായത്ത് പ്രസിഡന്റ്‌ ഗോപി എം പി,സി പി ഐ മണ്ഡലം സെക്രട്ടറി പി ടി ബെന്നി, ഡെപ്യൂട്ടി തഹസിൽദാർ നസീറ റ്റി എ,എ ഇ ഒ ഓഫീസ് പ്രതിനിധി ഷിജോ ജോർജ് എന്നിവർ സംസാരിച്ചു.സർക്കിൾ ഇൻസ്‌പെക്ടർ ജനീഷ് എം എസ് സ്വാഗതവും എക്സ് സൈസ് ഇൻസ്‌പെക്ടർ സിജോ വർഗീസ് നന്ദിയും രേഖപ്പെടുത്തി.