നെല്ലിക്കുഴി : കഞ്ചാവ് വിതരണത്തിനായി ഇരുമലപ്പടിയിലെത്തിയ ഒഡീഷ സ്വദേശിയെ എക്സൈസ് സംഘം സാഹസികമായി പിടികൂടുകയായിരുന്നു. ഇരുമലപ്പടി കനാൽപ്പാലം ബസ് കാത്തിരിപ്പു കേന്ദ്രത്തിൽ നിന്നാണ് യുവാവിനെ എക്സൈസ് സംഘം വലയിലാക്കിയത്. ഒഡീഷ സ്വദേശി പ്രശാന്ത് നായിക്കിനെയാണ് പിടികൂടിയത്. കോതമംഗലത്തെ കോളേജ് വിദ്യാർത്ഥികൾക്ക് കഞ്ചാവ് വിൽപനടത്തുന്നതിനായിട്ടാണ് ഇയാൾ എത്തിയത്. പെരുമ്പാവൂർ ഭാഗത്ത് താമസിക്കുന്ന പ്രശാന്ത് നായിക് വൈകിട്ടാണ് ഇരുമലപ്പടിയിൽ കഞ്ചാവ് വിൽപ്പനക്കായി എത്തിയത്.
രഹസ്യവിവരം ലഭിച്ചതിനെ തുടർന്ന് കോതമംഗലം എക്സൈസ് സംഘം പ്രശാന്ത് നായിക്കിനെ പിടികൂടാനായി ബസ് കത്തിരുപ്പ് കേന്ദ്രത്തിന് സമീപം തമ്പടിച്ചിരുന്നു.ഇതിനിടയിൽ സംശയം തോന്നിയ പ്രതി രക്ഷപ്പെടാൻ ശ്രമിക്കുന്നതിനിടെ എക്സൈസൈസ് സംഘം പിടികൂടുകയായിരുന്നു. പ്രതിയെ ചൊവ്വാഴ്ച്ച കോടതിയിൽ ഹാജരാക്കി റിമാൻ്റ് ചെയ്യുമെന്ന് എക്സൈസ് ഇൻസ്പെക്ടർക്ടർ ഹിറോഷ് അറിയിച്ചു. പ്രവൻ്റീവ് ഓഫീസർമാരായ സാജു കെ. റ്റി
ബിജു കെ.കെ, സിവിൽ എക്സൈസ് ഓഫീസർമാരായ ഇയാസ്, കൃഷ്ണകുമാർ, സി എ നവാസ്, കെ എ റസാഖ് എന്നിവരും സംഘത്തിൽ ഉണ്ടായിരുന്നു.
