മുവാറ്റുപുഴ : യുവാവിനെ വധിക്കാൻ ശ്രമിച്ച കേസില്‍ ഒരാള്‍ പിടിയിൽ. മുവാറ്റുപുഴ വെള്ളൂർകുന്നം കാവുംകര ഉറവക്കുഴി പുത്തൻപുരയിൽ വീട്ടിൽ രവി കുട്ടപ്പന്‍ (54) നെയാണ് മുവാറ്റുപുഴ പോലീസ് പിടികൂടിയത്. കഴിഞ്ഞ 16 ന് രാത്രിയില്‍ വെള്ളൂർകുന്നം രാജ്റിവേര ബാറിന് സമീപം കടാതി സ്വദേശിയായ അരുണിനെയാണ് കല്ല്കൊണ്ട് ഇടിച്ചു കൊലപ്പെടുത്താൻ ശ്രമിച്ചത്. മുൻവൈരാഗ്യമാണ് ആക്രമണത്തിന് കാരണം. സംഭവശേഷം രവി പെരുമ്പാവൂർ ഭാഗത്ത് വിവിധ ഇടങ്ങളിൽ ഒളിവിൽ കഴിഞ്ഞുവരികയായിരുന്നു. മുവാറ്റുപുഴയിലും പരിസരപ്രദേശത്തും മുൻപ് ലോട്ടറി വില്പന നടത്തി വന്നിരുന്നയാളാണ്. വെള്ളൂർകുന്നം ഭാഗത്ത് ലോട്ടറി വില്പന സ്റ്റാൾ നടത്തിപ്പുകാരൻ അനൂപാണ് മറ്റൊരു പ്രതി. ഇയാള്‍ ഒളിവിലാണ്.
മർദനമേറ്റ യുവാവ് കോട്ടയം മെഡിക്കൽ കോളേജിൽ അത്യാസന്നനിലയിൽ ആയിരുന്നു. ഒളിവിൽ പോയ അനൂപിനെ പിടികൂടാൻ അന്വേഷണം വ്യാപിപ്പിച്ചിട്ടുണ്ട്. അന്വേഷണസംഘത്തിൽ എസ്.ഐ കെ.കെരാജേഷ്, എഎസ്ഐമാരായ സി.എം.രാജേഷ്, പി.സി.ജയകുമാർ സീനിയർ സിവിൽ പോലീസ് ഓഫീസർ ബിബിൽ മോഹൻ എന്നിവരാണ് ഉണ്ടായിരുന്നത്.
