Connect with us

Hi, what are you looking for?

NEWS

കുട്ടമ്പുഴ തേര ആദിവാസി കോളനിയിൽ 1 കോടി രൂപ ചിലവഴിച്ചു പൂർത്തീകരിച്ച നവീകരണ പ്രവർത്തനങ്ങളുടെ ഉദ്ഘാടനം മന്ത്രി കെ രാധാകൃഷ്ണൻ നിർവഹിച്ചു

കോതമംഗലം : പട്ടികവർഗ വികസന വകുപ്പിന്റെ അംബേദ്കർ സെറ്റിൽമെന്റ് സമഗ്ര വികസന പദ്ധതിയിൽ ഉൾപ്പെടുത്തി കുട്ടമ്പുഴ ഗ്രാമപഞ്ചായത്തിലെ ആറാം വാർഡിൽ ഉൾപ്പെട്ട തേര കോളനിയിൽ ഒരു കോടി രൂപ ചെലവഴിച്ചു നടപ്പിലാക്കിയ വിവിധ നിർമാണ പ്രവർത്തികളുടെ ഉദ്ഘാടനം ബഹു. പട്ടികജാതി -പട്ടിക വർഗ, പിന്നാക്ക ക്ഷേമ, ദേവസ്വം- പാർലമെന്ററി കാര്യ വകുപ്പ് മന്ത്രി കെ. രാധാകൃഷ്ണൻ വീഡിയോ കോൺഫറൻസ് മുഖേന നിർവഹിച്ചു. കുട്ടമ്പുഴ ട്രൈബൽ ഷെൽട്ടറിൽ വച്ച് നടന്ന പ്രാദേശിക ചടങ്ങിൽ ആന്റണി ജോൺ എം എൽ എ ഭദ്രദീപം തെളിയിച്ചു.

തേര ആദിവാസി കോളനിയിൽ കുടിവെള്ള പദ്ധതികൾക്കായി 3 കിണറുകളും ,റോഡ് നിർമ്മാണം (500 മീറ്റർ കോൺക്രീറ്റിങ്ങ്), ബാംബൂ ഉൽപ്പന്നങ്ങളുടെ നിർമ്മാണ യൂണീറ്റ് കെട്ടിടം,ചാവടിപ്പുര കെട്ടിട നിർമ്മാണ മടക്കം ഒരു കോടി രൂപയുടെ വികസന പദ്ധതികളാണ് നടപ്പിലാക്കിയിട്ടുള്ളത്. നിർവഹണ ഏജൻസിയായ ഹാബിറ്റാറ്റാണ് നിർമ്മാണ പ്രവർത്തികൾ പൂർത്തീകരിച്ചത്.ഗ്രാമ പഞ്ചായത്ത് പ്രസിഡന്റ് കാന്തി വെള്ളക്കയ്യൻ അധ്യക്ഷത വഹിച്ചു. ചടങ്ങിൽ ജില്ലാ പഞ്ചായത്ത് അംഗം കെ കെ ഡാനി,വികസനകാര്യ സ്റ്റാൻഡിങ് കമ്മിറ്റി ചെയർമാൻ സിബി കെ എ,ബ്ലോക്ക് പഞ്ചായത്ത് അംഗങ്ങളായ ജെയിംസ് കോറമ്പേൽ, കെ കെ ഗോപി, സംസ്ഥാന പട്ടികവർഗ്ഗ ഉപദേശക സമിതി അംഗം ഇന്ദിരക്കുട്ടി രാജു,തേര കോളനി ഊരുമൂപ്പൻ ലക്ഷ്മണൻ എസ്,എസ് ടി പ്രൊമോട്ടർമാർ, ജനപ്രതിനിധികൾ, തേര കോളനി നിവാസികൾ തുടങ്ങിയവർ സംബന്ധിച്ചു.ട്രൈബൽ ഡെവലപ്മെന്റ് ഓഫീസർ അനിൽകുമാർ ഭാസ്കർ സ്വാഗതവും ട്രൈബൽ എക്സ്റ്റൻഷൻ ഓഫീസർ രാജീവ് പി കൃതജ്ഞതയും രേഖപ്പെടുത്തി.

You May Also Like

CRIME

കോതമംഗലം: അടയ്ക്ക മോഷ്ടാക്കൾ അറസ്റ്റിൽ. ഇരമല്ലൂർ ചെറുവട്ടൂർ ഉരംകുഴി പള്ളിപ്പടി ഭാഗത്ത് മോനിക്കാട്ടിൽ വീട്ടിൽ സത്താർ (30), ചെറുവട്ടൂർ സ്കൂൾപ്പടി ഭാഗത്ത് പഴയവീട്ടിൽ മനൂപ് (24) എന്നിവരെയാണ് കോതമംഗലം പോലീസ് അറസ്റ്റ് ചെയ്തത്....

NEWS

കോതമംഗലം: റബ്ബർ ബോർഡ് ഡെവലെപ്മെൻ്റ് ഓഫീസ് കോഴിപ്പാളി പാർക്ക് ജംങ്ഷനിൽ കാനറാബാങ്കിന് സമീപമുള്ള അതിരംപുഴ ബിൽഡിങ്ങിലേക്ക് മാറ്റി പ്രവർത്തനം ആരംഭിച്ചു. മുവാറ്റുപുഴ റബ്ബർ ബോർഡ് റീജി യണൽ ഓഫീസിലെ ഡെപ്യൂട്ടി റബ്ബർ പ്രൊഡക്ഷൻ...

NEWS

കോതമംഗലം: കോതമംഗലം നിയമസഭാ മണ്ഡല ശാസ്ത്ര ക്വിസ് സംഘടിപ്പിച്ചു. യുവജനക്ഷേമ ബോർഡും അവളിടം ക്ലബ്ബും ചേർന്ന് യുവജനങ്ങളിൽ ശാസ്ത്രബോധം, ചരിത്ര ബോധം യുക്തിചിന്ത എന്നിവ വളർത്തുന്നതിനായി സംഘടിപ്പിച്ച ക്വിസ് കോതമംഗലം ഗവ ടൗൺ...

NEWS

കോതമംഗലം: കെ.സി.ബി.സി. മദ്യവിരുദ്ധസമിതി, ഗ്രീൻ വിഷന്‍-കേരള, മദ്യവിരുദ്ധ ഏകോപന സമിതി, സജീവം ലഹരിവിരുദ്ധ ക്യാമ്പയിന്‍, എന്നിവയുടെ സംയുക്ത ആഭിമുഖ്യത്തില്‍ സംസ്ഥാന സർക്കാരിൻറെ വികലമായ മദ്യനയത്തിനെതിരെ കോതമംഗലം എക്സൈനസ് ഓഫീസിനു മുന്നിൽ നില്‍പ്പു സമരം...