കോതമംഗലം: ലയണ്സ് ക്ലബ് ഭാരവാഹികളുടെ സ്ഥാനാരോഹണം ലയണ്സ് ഏരിയ ലീഡര് അഡ്വ. വി. അമര്നാഥ് നിര്വഹിച്ചു.അടുത്ത വര്ഷം നടപ്പിലാക്കുന്ന വിവിധ സേവന പദ്ധതികളുടെ ഉദ്ഘാടനം ക്ലബ് അംഗം കൂടിയായ ഷിബു തെക്കുംപുറം എംഎല്എ നിര്വഹിച്ചു. ടി.ഡി ശ്രീകുമാര് അധ്യക്ഷത വഹിച്ചു.മുന് മന്ത്രിയും ക്ലബ് അംഗവുമായ ടി.യു. കുരുവിള അനുസ്മരണവും ചടങ്ങില് നടത്തി.
ടി.ജെ ജോര്ജ്, നോബി പോള്, ഷിബു കുര്യാക്കോസ്, സോണി എബ്രഹാം, ഡോ. ബിനോയ് ഭാസ്കരന്, ഡോ. സിജോ എം. തോമസ്, ടി. കെ. സോണി, ഷോയ് കുര്യാക്കോസ്, ഡോ. ജെയിന് മാത്യു, റോസ് സനു എന്നിവര് പ്രസംഗിച്ചു.മൂന്നു വര്ഷമായി നടപ്പിലാക്കി വരുന്ന നിര്ധനര്ക്കായുള്ള ഭവന പദ്ധതി, ഡയാലിസിസ് പ്രൊജക്റ്റ്, നിര്ദ്ധന വിദ്യാര്ത്ഥികള്ക്കായുള്ള വിദ്യാഭ്യാസ പദ്ധതി ഉള്പ്പടെയാണ് വരും വര്ഷം നടപ്പിലാക്കുന്നതെന്ന് പ്രസിഡന്റ് സജി കെ. മാത്യൂസ് അറിയിച്ചു.
പുതിയ ഭാരവാഹികളായ സജി കെ. മാത്യു (പ്രസിഡന്റ്), ഡോ. സാജു എബ്രഹാം (വൈസ് പ്രസിഡന്റ്), ടി.കെ സോണി (സെക്രട്ടറി ), എം.കെ. നാരായണന് (ട്രഷറര് ), നിനു സജി (ലേഡീസ് പ്രസിഡന്റ്), ഫൈന സോണി (സെക്രട്ടറി), ബിജി ഷിബു (ട്രഷറര്) എന്നിവര് ചുമതലയേറ്റു. ഡോ. ജെയിന് മാത്യുവിന്റെ നേതൃത്വത്തില് ക്ലബ് അംഗങ്ങള് അവതരിപ്പിച്ച മ്യൂസിക് നൈറ്റ് അരങ്ങേറി.
