കോതമംഗലം: ലൈഫ് ഭവന പദ്ധതിയിലേക്ക് അടിയന്തരമായി പുതിയ അപേക്ഷ ക്ഷണിക്കണമെന്നും, ഭൂമിയുള്ള ഭവനരഹിതര്ക്കുള്ള ധനസഹായം നാല് ലക്ഷത്തില് നിന്ന് ആറ് ലക്ഷമായി വര്ധിപ്പിക്കണമെന്നും ആവശ്യപ്പെട്ട് കോതമംഗലം നഗരസഭ കൗണ്സിലര് ഷിബു കുര്യാക്കോസ് മുഖ്യമന്ത്രി വി.ഡി സതീശന് നിവേതനം നല്കി.നിരവധി അര്ഹരായ കുടുംബങ്ങള് ഇപ്പോഴും വീടില്ലാതെ കഴിയുന്ന സാഹചര്യമുണ്ട്. നിലവില് ലൈഫ് ഭവന പദ്ധതിയിലേക്ക് പുതിയ അപേക്ഷകള് ക്ഷണിക്കുന്നില്ല.
നിരവധി ഭവനരഹിത കുടുംബങ്ങള് പദ്ധതിയുടെ ഗുണഭോക്തൃ പട്ടികയില് ഉള്പ്പെടാതെ തുടരുകയാണ്. അതുകൊണ്ട് പദ്ധതി പുനരാരംഭിക്കാന് നടപടി വേണം. നിര്മ്മാണ സാമഗ്രികളുടെ വില, തൊഴില്ച്ചെലവ്, മറ്റ് അനുബന്ധ ചെലവുകള് എന്നിവ ഗണ്യമായി വര്ധിച്ചിരിക്കുകയാണ്. അതിനാല് ഭൂമിയുള്ള ഭവനരഹിതര്ക്കായി അനുവദിക്കുന്ന നാല് ലക്ഷം രൂപ ധനസഹായം കൊണ്ട് വീട് നിര്മ്മാണം പൂര്ത്തിയാക്കാന് പലര്ക്കും കഴിയുന്നില്ല. ഈ സാഹചര്യത്തില് ധനസഹായം 6 ലക്ഷം ആയി വര്ധിപ്പിക്കേണ്ടത് അനിവാര്യമാണെന്നും നിവേതനത്തില് വ്യക്തമാക്കിയിട്ടുണ്ട്.
