Connect with us

Hi, what are you looking for?

CRIME

കോതമംഗലത്ത് മൊബൈൽ ഷോപ്പ് കുത്തിത്തുറന്ന് മോഷണം; അധികൃതർ അനങ്ങാപ്പാറ നയം സ്വീകരിക്കുകയാണെന്ന് വ്യാപാരികൾ.

കോതമംഗലം: കോതമംഗലത്ത് മൊബൈൽ ഷോപ്പ് കുത്തിത്തുറന്ന് മോഷണം. കോതമംഗലത്ത് നിരന്തരമായി മോഷണ പരമ്പരകൾ അരങ്ങേറിയിട്ടും അധികൃതർ നടപടിയെടുക്കുന്നില്ലെന്ന് വ്യാപാരി സംഘടനകൾ. ഇന്ന് പുലർച്ചെയാണ് കോതമംഗലം കോളേജ് റോഡിൽ ജവഹർ തീയറ്ററിന് സമീപം പ്രവർത്തിക്കുന്ന മൊബൈൽ കെയർ എന്ന സ്ഥാപനം കുത്തിത്തുറന്ന് മോഷണം നടത്തിയ നിലയിൽ കണ്ടത്. കടയുടെ ഷട്ടറിൻ്റെ അടിഭാഗം തകർത്താണ് മോഷ്ടാക്കൾ അകത്തു കടന്നത്. കടയിലെ വില കൂടിയ മൊബൈൽ ഫോൺ ഉൾപ്പെടെയുള്ള സാധനങ്ങൾ കടയുടമ വീട്ടിലേക്ക് മാറ്റിയിരുന്നതിനാൽ വൻ നഷ്ടം ഒഴിവായി. ഏതാനും സ്മാർട്ട് വാച്ചുകളും മൊബൈൽ ഫോണുമാണ് നഷ്ടപ്പെട്ടിട്ടുള്ളതെന്നാണ് പ്രാഥമിക നിഗമനം.

ലോക്ക് ഡൗൺ ആയതു കൊണ്ട് പ്രദേശത്തെ മുഴുവൻ കടകളും അടഞ്ഞുകിടക്കുന്നത് സൗകര്യമാക്കിയാണ് കള്ളൻമാർ ഷട്ടർ പൊളിച്ച് അകത്ത് കടന്നത്. കോതമംഗലം ടൗണിൻ്റെ ഈ ഭാഗത്ത് മോഷണ പരമ്പരകൾ അരങ്ങേറിയിട്ടും അധികൃതർ അനങ്ങാപ്പാറ നയം സ്വീകരിക്കുകയാണെന്ന് വ്യാപാരികൾ ചൂണ്ടികാട്ടി. ടൗണിൻ്റെ പ്രധാന ഭാഗങ്ങളിൽ ക്യാമറകൾ സ്ഥാപിക്കണമെന്നും, പോലീസ് പട്രോളിംഗ് ശക്തമാക്കണമെന്നും വ്യാപാരി വ്യവസായി ഏകോപന സമിതി ടൗൺ യൂണിറ്റ് ജനറൽ സെക്രട്ടറി മൊയ്തീൻ ഇഞ്ചക്കുടി പറഞ്ഞു.

You May Also Like

CRIME

പെരുമ്പാവൂർ: ചേലാമറ്റത്ത് പ്ലാസ്റ്റിക്ക് ഉൽപ്പന്നങ്ങൾ നിർമ്മിക്കുന്ന കമ്പനിയുടെ ഗോഡൗണിൽ തീയിട്ട ഇതര സംസ്ഥാനത്തൊഴിലാളി പിടിയിൽ. ബീഹാർ വെസ്റ്റ് ചമ്പാരൻ മിനർവ്വ ബസാർ വെസ്റ്റ് സ്വദേശി വിശാൽ കുമാർ (22)നെയാണ് പെരുമ്പാവൂർ പോലീസ് അറസ്റ്റ്...

NEWS

അജ്മാൻ:ആശ്രയം യു എ ഇ ഖൽബിലെ ഈദ് 2024 എന്ന പേരിൽ ഈദ് ആഘോഷ പരിപാടികൾ നടത്തി. അജ്‌മാൻ റിയൽ സെന്ററിൽ നടന്ന വർണ ശബളമായ ചടങ്ങിൽ ലോക കേരള സഭാ അംഗം...

NEWS

കോതമംഗലം: ആയക്കാട് മരോട്ടിച്ചോടിന് സമീപം മിനി എംസിഎഫിന്റെ പരിസരം മാലിന്യം വലിച്ചെറിഞ്ഞ് കൂമ്പാരമായിട്ടും നടപടിയെടുക്കുന്നില്ല. പിണ്ടിമന പഞ്ചായത്തിലെ ഹരിതകര്‍മസേന വീടുകളില്‍നിന്നും സ്ഥാപനങ്ങളില്‍ നിന്നും ശേഖരിക്കുന്ന ഖരമാലിന്യങ്ങള്‍ സംഭരിക്കുന്നതിനായി സ്ഥാപിച്ചിട്ടുള്ള മിനി എംസിഎഫിന്റെ പരിസരമാണ്...

NEWS

കോതമംഗലം: വാട്ടര്‍ അഥോറിറ്റിയുടെ പമ്പിംഗ് സുഗമമാക്കാന്‍ പെരിയാര്‍ വാലി കനാലിലൂടെ കൂടുതല്‍ വെള്ളം എത്തിക്കാന്‍ തീരുമാനം. കുറേ ദിവസങ്ങളായി വെള്ളത്തിന്റെ ലഭ്യതക്കുറവ് മൂലം പമ്പിംഗ് പലപ്പോഴും മുടങ്ങുന്ന സാഹചര്യം ഉണ്ടായിരുന്നു. വേനല്‍ കടുത്തതോടെ...