കോതമംഗലം : എറണാകുളം ജില്ലയുടെ കിഴക്കന്‍ മേഖലയില്‍ കേന്ദ്ര വനം-പരിസ്ഥിതി മന്ത്രാലയത്തിന്റെ പരിധിയില്‍ വരുന്ന വന്യജീവി ആക്രമണം ശാശ്വത പരിഹാരം കാണുക, കാർഷിക പ്രതിസന്ധി പരിഹരിക്കുക, ആലുവ മൂന്നാര്‍ രാജപാത പുനരുദ്ധാരിക്കുക, വടാടുപാറ കുട്ടമ്പുഴ വികസനം തുടങ്ങിയ ആവശ്യങ്ങള്‍ ഉന്നയിച്ച് കേന്ദ്ര വനം-പരിസ്ഥിതി മന്ത്രി ഭൂപന്ദ്ര യാദവിന് സമർപ്പിക്കേണ്ട നിവേദനം ഇൻഫാം കോതമംഗലം രൂപതാ ഡയറക്‌ടര്‍ ഫാ. റോബിന്‍ പടിഞ്ഞാറേക്കുറ്റ് ബിജെപി ജില്ലാ പ്രസിഡന്റ് എസ്. ജയകൃഷ്ണന് കൈമാറി.
ഫാ. ജോസ് ഏഴാനിക്കാട്ട്, ഫാ. അഖിൽ സിഎസ്സ്റ്റി, ബിജെപി നിയോജകമണ്ഡലം പ്രസിഡന്റ് മനോജ് ഇഞ്ചൂർ, ബിജെപി നിയോജകമണ്ഡലം ജനറല്‍ സെക്രട്ടറി പിവി വിനോദ് കുമാര്‍, അഡ്വ. കെ.പി വിത്സൺ എന്നിവര്‍ പങ്കെടുത്തു.
