നെല്ലിമറ്റം: നെല്ലിമറ്റം ടൗണിലെ പരീക്കണ്ണി റോഡിൽ പ്രവർത്തനമാരംഭിച്ച സഹോദര സ്ഥാപനങ്ങളായ മരിയ ഗോൾഡ് കവറിംഗ് ആന്റ് പ്ലെയിറ്റിംഗ് എന്ന സ്ഥാപനവും കുഞ്ഞൂസ് ടെക്സ്റ്റയിൽസ് ആന്റ് ലേഡീസ് ടെയ്ലറിംഗ് ഷോപ്പുമാണ് ശനിയാഴ്ച രാവിലെ പത്ത് മണിക്ക് ബ്ലോക്ക് പഞ്ചായത്ത് പ്രസിഡന്റ് റഷീദ സലിം ഉദ്ഘാടനം ചെയ്ത് പ്രവർത്തനം ആരംഭിച്ചത്. കുടുംബശ്രീ സംരഭകരുടെ സ്ഥാപനങ്ങൾ കൂടിയായതിനാലും കൊറോണ വൈറസ് ജാഗ്രത പാലിക്കേണ്ടതിനാലും വലിയ ആഘോഷങ്ങൾ ഒഴിവാക്കിയാണ് ലളിതമായ ചടങ്ങുകളോടെ ഉദ്ഘാടന ചടങ്ങ് നടത്തിയത്. നെല്ലിമറ്റത്ത് പൊതുസമൂഹത്തിന് ഒരു സന്ദേശം കൂടിയായി മാറുന്ന രീതിയിൽ ഉദ്ഘാടന ചടങ്ങിലെത്തിയവർക്ക് സൗജന്യമായി മാസ്ക്ക് നൽകിയിരുന്നു.
![](https://i0.wp.com/kothamangalamnews.com/wp-content/uploads/2024/07/alfalah.jpeg?resize=600%2C750&ssl=1)
സർക്കാരിന്റെ ആരോഗ്യ സുരക്ഷക്കൊപ്പം നിന്ന് ഇത്തരം ഒരു പരിപാടി സംഘടിപ്പിച്ച സ്ഥാപന ഉടമകളായ ബിന്ദു ബിജുവും സുനു സുരേഷും അഭിനന്ദനമർഹിക്കുന്നതായി ബ്ലോക്ക് പഞ്ചായത്ത് പ്രസിഡന്റ് റഷീദ സലിം പറഞ്ഞു. ഉദ്ഘാടന ചടങ്ങിൽ വാർഡ് മെമ്പർമാരായ സൗമ്യ സനൽ, റീന എൽദോസ് ,കുടുംബശ്രീ സി.ഡി.എസ്.ചെയർപേഴ്സൺ രശ്മി കൃഷ്ണകുമാർ ,മർച്ചന്റ് അസോസിയേഷൻ ജനറൽ സെക്രട്ടറി എൻ. സി.പീറ്റർ തുടങ്ങിയ സാമൂഹ്യ സാംസ്ക്കാരിക രാഷ്ട്രീയ രംഗത്തെ പ്രമുഖർ പങ്കെടുത്തു.
![](https://kothamangalamnews.com/wp-content/uploads/2023/11/kothamangalamnews.png)