കോതമംഗലം: കോതമംഗലം സർക്കിൾ സഹകരണ യൂണിയൻ്റെയും സഹകരണ വകുപ്പിൻ്റെയും ആഭിമുഖ്യത്തിൽ അറുപത്തിയെട്ടാമത് അഖിലേന്ത്യ സഹകരണ വാരാഘോഷത്തിൻ്റെ കോതമംഗലം താലൂക്ക് തല സമാപന സമ്മേളനവും സെമിനാറും ആൻ്റണി ജോൺ എംഎൽഎ ഉദ്ഘാടനം ചെയ്തു.സർക്കിൾ സഹകരണ യൂണിയൻ ചെയർമാൻ കെ കെ ശിവൻ അധ്യക്ഷത വഹിച്ചു.പ്ലസ് ടു പരീക്ഷയിൽ ഉന്നത വിജയം നേടിയ വിദ്യാർത്ഥികൾക്കുള്ള അവാർഡ് വിതരണം യുവജനക്ഷേമ ബോർഡ് വൈസ് ചെയർമാൻ എസ് സതീഷ് നിർവ്വഹിച്ചു.
യോഗത്തിൽ ജില്ലാ പഞ്ചായത്ത് മെമ്പർ കെ കെ ദാനി,കവളങ്ങാട് പഞ്ചായത്ത് പ്രസിഡൻ്റ് സൈജൻ്റ് ചാക്കോ,മുൻസിപ്പൽ ചെയർമാൻ കെ കെ ടോമി,സഹകരണ സംഘം പ്രസിഡൻ്റുമാരായ കെ ബി മുഹമ്മദ്, കെ എ ജോയി,എ ജെ ജോൺ,എം ജി രാധാകൃഷ്ണൻ,വി എം ബിജുകുമാർ, പി എസ് നജീബ്,കെ സി അയ്യപ്പൻ,സി കെ വിദ്യാസാഗർ,അനു വിജയനാഥ്, അസിസ്റ്റൻ്റ് ഡയറക്ടർ മുഹമ്മദ് ഷെരീഫ് എന്നിവർ ആശംസകൾ പറഞ്ഞു. അസിസ്റ്റൻ്റ് രജിസ്ട്രാർ ജോയി ഫ്രാൻസിസ് സെമിനാർ അവതരിപ്പിച്ചു.എം എസ് പൗലോസ് സ്വാഗതവും അസിസ്റ്റൻ്റ് രജിസ്ട്രാർ കെ വി സുധീർ കൃതജ്ഞതയും പറഞ്ഞു.
