കോതമംഗലം: ബ്ലോക്ക് പഞ്ചായത്ത് കാര്യാലയവും അനുബന്ധ ഓഫീസുകളും ഹരിത ഓഫീസാകുന്നു . അതിന്റെ ഭാഗമായി ബ്ലോക്ക് പഞ്ചായത്തിനോട് ചേർന്ന് പ്രവർത്തിക്കുന്ന ആറ് ഓഫീസുകൾക്ക് ജി-ബിന്നുകൾ വിതരണം ചെയ്തു. എല്ലാ സർക്കാർ ഓഫീസുകളിലും ഗ്രീൻ പ്രോട്ടോകോൾ നടപ്പിലാക്കുന്നതിന്റെ ഭാഗമായാണ് ഈ നടപടി.
ഓഫീസിൽ ഉണ്ടാകുന്ന ജൈവമാലിന്യങ്ങൾ ഉറവിടത്തിൽ തന്നെ സംസ്കരിച്ച് വളമാക്കി മാറ്റും. മറ്റുള്ളവയെ തരംതിരിച്ച് പ്രത്യേക ബിന്നുകളിലാക്കും. സാനിറ്ററി നാപ്കിനുകൾ ശാസ്ത്രീയമായി സംസ്കരിക്കുന്നതിന് പ്രത്യേക ഇൻസിനിറേറ്റർ സ്ഥാപിക്കും. ഓഫീസ് പരിസരം പൂർണമായും പ്രകൃതി സൗഹൃദമാക്കുന്നതിനായി റിങ് കമ്പോസ്റ്റ് പിറ്റും ഒരുക്കും. പേപ്പർ പ്ലാസ്റ്റിക്, തെർമോകോൾ, ഡിസ്പോസിബിൾ വസ്തുക്കളുടെ ഉപയോഗം ബ്ലോക്ക് പഞ്ചായത്ത് കാര്യാലയത്തിലും അനുബന്ധ ഓഫീസുകളിലും നിരോധിച്ചു.
ശാസ്ത്രീയമായ മാലിന്യ സംസ്കരണം നിലവിലെ സാഹചര്യത്തിൽ ഏറെ അനിവാര്യമായ കാര്യമാണെന്ന് ബ്ലോക്ക് പഞ്ചായത്ത് പ്രസിഡന്റ് പി.എ.എം ബഷീർ പറഞ്ഞു. മാലിന്യ സംസ്കരണത്തിന് വലിയ പ്രാധാന്യമാണ് ബ്ലോക്ക് പഞ്ചായത്ത് നൽകുന്നത്. ഇതിനകം അഞ്ച് പഞ്ചായത്തുകൾക്ക് മാലിന്യ ശേഖരണത്തിനായി ഇ ഓട്ടോകൾ വിതരണം ചെയ്തിട്ടുണ്ട്. വരും ദിവസങ്ങളിൽ ഹരിത കർമ്മ സേനയ്ക്ക് 140 ട്രോളികൾ നൽകും. ഹരിത ഓഫീസായി മാറുന്നതിനു മുന്നോടിയായി സംഘടിപ്പിച്ച ചടങ്ങിൽ സംസാരിക്കുകയായിരുന്നു അദ്ദേഹം.
ചടങ്ങിൽ ബ്ലോക്ക് പഞ്ചായത്ത് വൈസ് പ്രസിഡന്റ് ആനിസ് ഫ്രാൻസിസ്, ബ്ലോക്ക് പഞ്ചായത്ത് സ്ഥിരം സമിതി അധ്യക്ഷരായ ജോമി തെക്കേക്കര, ജെയിംസ് കോറമ്പേൽ, സാലി ഐപ്, ബ്ലോക്ക് പഞ്ചായത്ത് അംഗം നിസാമോൾ ഇസ്മായിൽ, ഉദ്യോഗസ്ഥർ തുടങ്ങിയവർ പങ്കെടുത്തു. ബ്ലോക്ക് പഞ്ചായത്തിലെയും അനുബന്ധ സ്ഥാപനങ്ങളിലെയും ഉദ്യോഗസ്ഥർക്ക് മാലിന്യ സംസ്കരണവുമായി ബന്ധപ്പെട്ട പ്രത്യേക ക്ലാസും സംഘടിപ്പിച്ചിരുന്നു.
You May Also Like
NEWS
കോതമംഗലം:കേരള ജേർണലിസ്റ്റ് യൂണിയൻ കോതമംഗലം മേഖല കമ്മിറ്റി 24-ാമത് സ്ഥാപക ദിനാഘോഷം നടത്തി.കേരള ജേർണലിസ്റ്റ് യൂണിയൻ്റെ 24ാമത് സ്ഥാപക ദിനാഘോഷങ്ങളുടെ ഭാഗമായി പതാക ദിനവും മുതിർന്ന മാധ്യമ പ്രവർത്തകരെ അനുമോദിക്കൽ മാധ്യമ സെമിനാർ...
ACCIDENT
ഇളങ്ങവം: ഇളങ്ങവം കവലയില് കാറും ബൈക്കും കൂട്ടിയിച്ചുണ്ടായ അപകടത്തില് ബൈക്ക് യാത്രക്കാരന് ദാരുണാന്ത്യം. കക്കടാശ്ശേരി- അഞ്ചല്പെട്ടി റോഡില് ഇളങ്ങവം കവലയില് വ്യാഴാഴ്ച രാത്രിയുണ്ടായ അപകടത്തില് അഞ്ചല്പെട്ടി തുരത്തേല് പുത്തന്പുരയില് വിനീതാണ് മരിച്ചത്. വിനീത്...
NEWS
പെരുമ്പാവൂര്: ഓട്ടോറിക്ഷയിൽ മദ്യവിൽപന മധ്യവയസ്ക്കൻ പിടിയിൽ. പാണിയേലി കൊച്ചുപുരയ്ക്കൽക്കടവ് പന്തലക്കുടം വീട്ടിൽ ഉണ്ണികൃഷ്ണൻ (52) ആണ് കുറുപ്പംപടി പോലീസിന്റെ പിടിയിലായത്. മദ്യം വിൽപന നടത്തുന്നതിനിടയിലാണ് ഇയാളെ കസ്റ്റഡിയിലെടുക്കുന്നത്. കൊമ്പനാട്, ക്രാരിയേലി, കൊച്ചുപുരയ്ക്കൽക്കടവ് ഭാഗങ്ങളിലാണ്...
NEWS
പോത്താനിക്കാട് : രണ്ട് മാസത്തെ ഇടവേളക്കുശേഷം പൈങ്ങോട്ടൂര് പഞ്ചായത്തിലെ ചാത്തമറ്റം, ഒറ്റക്കണ്ടം മേഖലയില് വീണ്ടും കാട്ടാനയിറങ്ങി കൃഷികള് നശിപ്പിച്ചു. പഞ്ചായത്ത് മുന് അംഗം വടക്കേക്കര വി.ടി വിജയന്, മുടിയില് ജോയി, മുടിയില് ബേബി,...