Connect with us

Hi, what are you looking for?

NEWS

കാട്ടാനക്കൂട്ടം പുന്നേക്കാട് ടൗണിലെത്തി; പ്രദേശവാസികൾ ആശങ്കയിൽ

കോതമംഗലം :- ഇന്ന് പുലർച്ചെ കാട്ടാനക്കൂട്ടം പുന്നേക്കാട് ടൗണിലെത്തി; കാട്ടാനകളിൽ നിന്ന് സംരക്ഷണം ആവശ്യപ്പെട്ട് പ്രദേശവാസികൾ. ഇന്ന് പുലർച്ചെ രണ്ട് മണിയോടെയാണ് മൂന്നോളം ആനകൾ കീരംപാറ പഞ്ചായത്തിലെ പുന്നേക്കാട് ടൗണിനു സമീപം എത്തിയത്. പുന്നേക്കാട് – തട്ടേക്കാട് റോഡിൽ ഏറെ നേരം തമ്പടിച്ച കാട്ടാനക്കൂട്ടം റോഡിനോടു ചേർന്നുള്ള പുരയിടത്തിലെ വാഴകൾ മറിച്ചിട്ട് നശിപ്പിച്ചു. പ്ലാൻ്റേഷനിൽ നിന്ന പനകളും ദാസിൻ്റെ തെങ്ങും ആനകൾ നശിപ്പിച്ചിട്ടുണ്ട്.

ഏതാനും ദിവസം മുമ്പാണ് പട്ടാപ്പകൽ രണ്ട് കൊമ്പൻമാർ പുന്നേക്കാട് – തട്ടേക്കാട് റോഡ് വട്ടം കടന്ന് പോയതിൻ്റെ ദൃശ്യം പുറത്തു വന്നത്. ഇന്ന് ആനയിറങ്ങിയതിൻ്റെ രാത്രി ദൃശ്യങ്ങളും ലഭിച്ചിട്ടുണ്ട്.

പുന്നേക്കാട് ടൗണു വരെ ആനകൾ എത്തിയതോടെ പ്രദേശവാസികൾ കടുത്ത ഭീതിയിലാണ്. ഒരിക്കൽ നാട്ടിലിറങ്ങി കാർഷിക വിളകൾ തിന്നു മടങ്ങുന്ന ആനകൾ തുടർന്നുള്ള ദിവസങ്ങളിലും ഇവിടെ എത്താനുള്ള സാധ്യത തള്ളിക്കളയാനാവില്ല. രാത്രിയെത്തിയ ആനകൾ പകലും എത്തുമോ എന്ന ആശങ്കയും പ്രദേശവാസികൾക്കുണ്ട്.

രണ്ടു വർഷമായി ഈ ഭാഗങ്ങളിൽ കാട്ടാന ശല്യം ഉണ്ടെങ്കിലും പുന്നേക്കാട് ടൗണിലും ആനയെത്തിയത് നാട്ടുകാരെ പ്രകോപിതരാക്കിയിട്ടുണ്ട്. ജനവാസ മേഖലയിലിറങ്ങുന്ന ആനകളെ തടഞ്ഞ് തങ്ങളുടെ ജീവനും സ്വത്തിനും സംരക്ഷണം നൽകാൻ അധികൃതർ തയ്യാറാകണമെന്നാണ് പ്രദേശവാസികൾ ആവശ്യപ്പെട്ടുന്നത്.

You May Also Like

NEWS

കോതമംഗലം : ആവോലിച്ചാൽ ലിഫ്റ്റ് ഇറിഗേഷൻ പദ്ധതി- കേന്ദ്ര വനം പരിസ്ഥിതി മന്ത്രാലയത്തിന്റെ അനുമതി ലഭിക്കുന്നതിനുള്ള നടപടികൾ വേഗത്തിൽ പുരോഗമിക്കുന്നതായി വനം വകുപ്പ് മന്ത്രി എ കെ ശശീന്ദ്രൻ നിയമസഭയിൽ വ്യക്തമാക്കി.ആന്റണി ജോൺ...

NEWS

കോതമംഗലം : കഴിഞ്ഞ ദിവസങ്ങളിലായി പ്ലാന്റേഷനിലും ജനവാസ മേഖലയിലുമടക്കം ഭീതി സൃഷ്ടിക്കുന്ന കാട്ടാന കൂട്ടത്തെ ഉൾവനത്തിലേക്ക് തുരത്തുന്നതിനുള്ള ശ്രമങ്ങൾ ആരംഭിച്ചു. രാവിലെ ഏഴു മണി മുതൽ തന്നെ നാട്ടുകാരും വനം വകുപ്പും സംയുക്തമായിട്ടാണ്...

NEWS

ബൈജു കുട്ടമ്പുഴ കീരംപാറ :പുന്നേക്കാട് തമ്പടിച്ച കാട്ടാനക്കൂട്ടങ്ങളെ തുരുത്താനുള്ള ഉദ്യമത്തിന് തുടക്കം. കീരംപാറ പഞ്ചായത്തിലെ പുന്നേക്കാട് പ്ലാന്റേഷനിൽ തമ്പടിച്ചിട്ടുള്ള കാട്ടാന കൂട്ടങ്ങളെ തുരുത്താൻ കോതമംഗലം ഫോറസ്റ്റ് ബിഎസ് സംഘങ്ങളും ശ്രമം നടത്തി. രണ്ട്...

NEWS

കോതമംഗലം: പുന്നേക്കാട് കഴിഞ്ഞ ദിവസം മേൽക്കൂര തകർന്ന വീട് ആന്റണി ജോൺ എം എൽ എ സന്ദർശിച്ചു.കഴിഞ്ഞ ദിവസം രാവിലെ 7.30 തോടുകൂടിയാണ് മറ്റത്തിൽ വീട്ടിൽ തങ്കച്ചന്റെ വീടിന്റെ മേൽക്കൂര പൂർണ്ണമായും തകർന്ന്...