Connect with us

Hi, what are you looking for?

NEWS

കൽക്കുരിശ് പെരുന്നാൾ നടത്തി.

കോതമംഗലം മാർ തോമ ചെറിയ പള്ളിയിൽ കബറടങ്ങിയ പരിശുദ്ധ യൽദൊ മാർ ബസേലിയോസ് ബാവയുടെ മരണ സമയത്ത്‌ ദിവ്യ പ്രകാശം കണ്ടതായി വിശ്വസിക്കുന്ന കൽക്കുരിശിന്റെ പെരുന്നാൾ ഇന്ന് ജന പങ്കാളിത്തം ഇല്ലാതെ കോവിഡ് പ്രോട്ടോകോൾ പാലിച്ചു കൊണ്ട് നടത്തി. രാവിലെ നടന്ന വി. കുർബാനക്ക് ഹൈറേഞ്ച് മേഖല അധിപൻ ഏലിയാസ് മാർ യൂലിയോസ്‌ മെത്രാപോലിത്ത മുഖ്യ കാർമികത്വം വഹിച്ചു. വികാരി ഫാ. ജോസ് പരത്തുവയലിൽ, സഹ വികാരിമാരായ ഫാ. എൽദോസ് കാക്കനാട്ട്, ഫാ. ബേസിൽ കൊറ്റിക്കൽ, ഫാ. ബിജു അരീക്കൽ, ഫാ. എൽദോസ് കുമ്മംകോട്ടിൽ എന്നിവർ സഹ കാർമികരായി.

സഹനത്തിന്റെ മഹനീയ മാതൃകയായ വി. കുരിശിന്റെ പെരുന്നാൾ ആഘോഷിക്കുമ്പോൾ പരിശുദ്ധ സഭ മക്കളും ഈ കുരിശിന്റെ സഹനത്തോട് ചേർന്ന് നിൽക്കണമെന്ന് ഏലിയാസ് മാർ യൂലിയോസ്‌ മെത്രാപോലിത്ത പറഞ്ഞു. കൽക്കുരിശ് പെരുന്നാൾ ദിനമായ ഇന്ന് വിശുദ്ധ കുർബാന മദ്ധ്യേ പ്രസംഗിക്കുകയായിരുന്നു മെത്രാപ്പോലീത്താ. തുടർന്ന് കൽകുരിശിലേക്ക് പ്രദിക്ഷണം നടത്തി. 2019 ഒക്ടോബർ 6 ന് രണ്ടാം കൂനംകുരിശ് സത്യ പ്രഖ്യാപനം നടത്തിയത് ഈ കൽക്കുരിശിൽ ആലാത്ത്‌ കെട്ടിയാണ്. കോവിഡ് പ്രോട്ടോകോൾ നിയന്ത്രണത്തോടെ ബാവായുടെ വി. കബറിടം വണങ്ങാൻ ക്രമീകരണങ്ങൾ ഏർപ്പെടുത്തിയിട്ടുണ്ട്.


നാളെ മുതൽ (സെപ്റ്റംബർ 27) വി. കുർബാന നടക്കുന്ന സമയത്ത്‌ ആരെയും പള്ളിയകത്ത്‌ പ്രവേശിപ്പിക്കുന്നതല്ല എന്ന് പള്ളി ഭരണ സമിതി അറിയിച്ചു. പരിശുദ്ധ ബാവയുടെ തിരുശേഷിപ്പ് സ്ഥാപിച്ച കോഴിപ്പിള്ളി ചക്കാലകുടി വി. യെൽദൊ മാർ ബസേലിയോസ് ചാപ്പലിൽ സെപ്റ്റംബർ 26 മുതൽ ഒക്ടോബർ 4 വരെ എല്ലാ ദിവസവും രാവിലെ 8 മണിക്ക് വി. കുർബാന ഉണ്ടായിരിക്കുന്നതാണ്. കൂടാതെ സെപ്റ്റംബർ 27 ഞായറാഴ്ച വൈകിട്ട് 6:30 നും വി. കുർബാന ഉണ്ടായിരിക്കുമെന്ന് വികാരി ഫാ. ജോസ് പരത്തുവയലിൽ അറിയിച്ചു. നാളെ ( സെപ്റ്റംബർ 27, ഞായറാഴ്ച ) രാവിലെ 8 മണിക്ക് മൈലാപ്പൂർ ഭദ്രാസന അധിപൻ ഐസക് മാർ ഒസ്‌താത്തിയോസ്‌ മെത്രാപോലീത്ത വി. കുർബാന അർപ്പിക്കും. വൈകിട്ട് 6 മണിക്ക് സന്ധ്യാ പ്രാർത്ഥന നടക്കും.

You May Also Like

NEWS

ഷാനു പൗലോസ് കോതമംഗലം / പുത്തൻകുരിശ്: യാക്കോബായ സുറിയാനി സഭയുടെ പാർലമെന്റായ യാക്കോബായ സുറിയാനി ക്രിസ്ത്യാനി അസോസിയേഷനിൽ നടന്ന തെരെഞ്ഞെടുപ്പിൽ നിലവിലെ ഭരണ സമിതിക്കെതിരെ  വൻ ഭൂരിപക്ഷത്തോടെ അധികാര സ്ഥാനത്തേക്ക് പുതുനേതൃത്വം. മലങ്കര...

NEWS

കോതമംഗലം: മഹാ പരിശുദ്ധനായ ബസേലിയസ് ബാവയുടെ 332മത് ഓർമ്മ പെരുന്നാൾ കന്നി 20 നോടനുബന്ധിച്ച് വ്യാപാരി വ്യവസായി ഏകോപനസമിതി വനിതാ വിംഗ് കോതമംഗലം നിയോജക മണ്ഡലം കമ്മറ്റിയുടെ നേതൃത്വത്തിൽ ഷീ കൗണ്ടർ പ്രവർത്തനം...

NEWS

കോതമംഗലം : ആഗോള സര്‍വ്വമത തീര്‍ത്ഥാടന കേന്ദ്രമായ കോതമംഗലം മാര്‍ തോമ ചെറിയ പള്ളിയില്‍ കബറടങ്ങിയിരിക്കുന്ന പരി. യല്‍ദോ മാര്‍ ബസേലിയോസ് ബാവായുടെ സ്മരണാര്‍ത്ഥം തപാല്‍ വകുപ്പ് സ്‌പെഷ്യല്‍ പോസ്റ്റല്‍ കവര്‍ പുറത്തിറക്കി....

EDITORS CHOICE

ഷാനു പൗലോസ് കോതമംഗലം: യാക്കോബായ സുറിയാനി സഭയിലേക്ക് സന്യസ്ഥ വൈദീകനായി ഉയർത്തപ്പെട്ട ഫാ. ഗീവർഗീസ് വട്ടേക്കാട്ടിൻറെ ( ഫാ.ടോണി കോര ) പുത്തൻ കുർബ്ബാന ഇടവകപള്ളിയായ കോട്ടപ്പടി കൽക്കുന്നേൽ സെന്റ് ജോർജ്ജ് യാക്കോബായ...