കോതമംഗലം: കോതമംഗലം ആര്ട്സ് ആന്റ് ലിറ്റററി അസോസിയേഷന് (കല) സുവര്ണജൂബിലി ആഘോഷത്തിന്റെ ഭാഗമായി വ്യാഴാഴ്ച 3ന് നഗരത്തില് തൂഫാന് വോക്കത്തണും മിനി മാരത്തണും നടത്തും. ലഹരിവ്യാപനം തടയാന് സംസ്ഥാന സര്ക്കാര് ആവിഷ്കരിച്ച തൂഫാന് പദ്ധതി ബോധവല്ക്കരണത്തിന്റെ ഭാഗമായി ജനപ്രതിനിധികളുടെയും പൊതുജനങ്ങളുടെയും പങ്കാളിത്തത്തോടെയാണ് പരിപാടി നഗരസഭ ജംഗ്ഷന് മുതല് കല ജംഗ്ഷന് വരെയാണ് വോക്കത്തണ്. തുടര്ന്ന് കല ജംഗ്ഷനിലെ വേദിയില് പ്രൈസ് മണിയോടു കൂടിയ മാരത്തണ് ഫ്ലാഗ് ഓഫ് ചെയ്യും. ന്യൂ ബൈപാസിലൂടെയാണ് വിദ്യാര്ത്ഥികളും യുവജനങ്ങളും പങ്കെടുക്കുന്ന മാരത്തണ്.
മിനി മാരത്തണില് ആദ്യ 3 സ്ഥാനക്കാര്ക്ക് ഏഴായിരം, നാലായിരം, രണ്ടായിരം 4 മുതല് 10 വരെ സ്ഥാനക്കാര്ക്ക് ആയിരം, 11 മുതല് 20 വരെ സ്ഥാനക്കാര്ക്ക് അഞ്ഞൂറ് എന്നിങ്ങനെ ക്യാഷ് അവാര്ഡ് നല്കും. പങ്കെടുക്കാന് 98461 27432 നമ്പറില് രജിസ്റ്റര് ചെയ്യണമെന്ന് ഭാരവാഹികളായ എം.എസ് എല്ദോസ്, എല്ദോ വര്ഗീസ്, കെ.പി പോള്, പ്രഫ. പി.ഐ ബാബു, പ്രഫ. കെ.എം കുര്യാക്കോസ്, റോയി മാലി, പി.പി മാത്യു, ജിജി എളൂര്, രാജു കാക്കത്തുരുത്തേല്, കെ.പി, കുര്യാക്കോസ് എന്നിവര് അറിയിച്ചു.
