“സൗജന്യ ഓണക്കിറ്റ് ” കോതമംഗലം മണ്ഡലത്തിൽ പാക്കിങ്ങ് പ്രവർത്തികൾ പുരോഗമിക്കുന്നു : ആന്റണി ജോൺ എംഎൽഎ.

കോതമംഗലം: കോവിഡ് 19 ആശ്വാസ നടപടികളുടെ ഭാഗമായി സംസ്ഥാന സർക്കാർ പ്രഖ്യാപിച്ച 11 ഇനം സാധനങ്ങൾ അടങ്ങിയ ഓണക്കിറ്റ് വിതരണവുമായി ബന്ധപ്പെട്ട പാക്കിങ്ങ് നടപടികൾ കോതമംഗലം മണ്ഡലത്തിൽ പുരോഗമിച്ചു വരികയാണെന്ന് ആൻ്റണി ജോൺ എംഎൽഎ അറിയിച്ചു. പഞ്ചസാര 1 കിലോ,ചെറുപയർ/വൻപയർ 500 ഗ്രാം, ശർക്കര 1 കിലോ,മുളക് പൊടി 100 ഗ്രാം,മല്ലിപ്പൊടി 100 ഗ്രാം,മഞ്ഞൾപ്പൊടി 100 ഗ്രാം,സാമ്പാർ പൊടി 100 ഗ്രാം,വെളിച്ചെണ്ണ 500 മി ലി/സൺ ഫ്ളവർ ഓയിൽ 1 ലിറ്റർ,പപ്പടം 1 പായ്ക്കറ്റ്,സേമിയ/പാലട 1 പായ്ക്കറ്റ്,ഗോതമ്പ് നുറുക്ക് 1 കിലോ എന്നിങ്ങനെ 11 ഇനം സാധനങ്ങളാണ് സൗജന്യ കിറ്റിലുള്ളത്. 122 റേഷൻ കടകളിലായി 65692 കാർഡുടമകൾക്കാണ് സൗജന്യ ഓണ കിറ്റ് വിതരണം ചെയ്യുന്നത്.

നെല്ലിക്കുഴി പഞ്ചായത്തിൽ തങ്കളം സൺഡേ സ്കൂൾ, കുട്ടമ്പുഴ പഞ്ചായത്തിൽ വിമല പബ്ലിക് സ്കൂൾ,കോതമംഗലം മുനിസിപ്പാലിറ്റിയിൽ ചെറിയ പള്ളി പാരീഷ് ഹാളിൽ രണ്ട് കേന്ദ്രം, തങ്കളം സൺഡേ സ്കൂൾ എന്നിങ്ങനെ മൂന്നു കേന്ദ്രങ്ങൾ,കീരംപാറ പഞ്ചായത്തിൽ പുന്നേക്കാട് സെൻ്റ് ജോർജ് ഗത്സീമോൻ പള്ളി പാരീഷ് ഹാൾ,കവളങ്ങാട് പഞ്ചായത്തിൽ കമ്മ്യൂണിറ്റി ഹാൾ നേര്യമംഗലം,കോട്ടപ്പടി പഞ്ചായത്തിൽ കോട്ടപ്പടി സൂപ്പർ മാർക്കറ്റ്,പിണ്ടിമന പഞ്ചായത്തിൽ മാലിപ്പാറ കാർമ്മലൈറ്റ് കോൺവെന്റ് നഴ്സറി സ്കൂൾ,പല്ലാരിമംഗലം പഞ്ചായത്തിൽ മാരമംഗലം പള്ളി ഓഡിറ്റോറിയം,വാരപ്പെട്ടി പഞ്ചായത്തിൽ ഗവൺമെൻ്റ് എൽ പി സ്കൂൾ വാരപ്പെട്ടി എന്നിങ്ങനെ പത്ത് കേന്ദ്രങ്ങളിലായിട്ടാണ് പാക്കിങ്ങ് പ്രവർത്തികൾ നടക്കുന്നത്. കിറ്റിലേക്കാവശ്യമായ സാധനങ്ങൾ പാക്കിങ്ങ് കേന്ദ്രങ്ങളിലേക്ക് എത്തിച്ച് കൊണ്ടിരിക്കുകയാണെന്നും,പാക്കിങ്ങ് പ്രവർത്തികൾ വേഗത്തിൽ പൂർത്തീകരിക്കുമെന്നും എംഎൽഎ പറഞ്ഞു.