കോതമംഗലം: താലൂക്ക് ആശുപത്രിയിൽ ഡയലാസിസ് സെന്ററിന്റെ ഉദ്ഘാടനം നടത്തി അഞ്ച് മാസം പിന്നിട്ടും ഒരു രോഗിക്ക് പോലും ഡയലാസിസ് നടത്താനായില്ല.എല്ലാ താലൂക്ക് ആശുപത്രികളിലും ഡയാലിസിസ് സെന്റര് തുടങ്ങാന് എല്ഡിഎഫ് സര്ക്കാര് തീരുമാനിച്ചിരുന്നു. ഇതിന്റെ ഭാഗമായി കോതമംഗലം താലൂക്ക് ആശുപത്രിയിലും കെട്ടിട നിര്മ്മാണം പൂര്ത്തീകരിക്കുകയും ഡയലാസിസ് സെന്ററിന്റെ ഉദ്ഘാടനം നടത്തുകയും ചെയ്തു.
കഴിഞ്ഞ മാര്ച്ച് മാസമാണ് സെന്റര് ഉദ്ഘാടനം ചെയ്യപ്പെട്ടത്. അഞ്ച് മാസം പിന്നിടുമ്പോഴും ഒരു രോഗിക്ക് പോലും ആശ്വാസമാകാന് ഈ സെന്ററിന് കഴിഞ്ഞിട്ടില്ല. ഉദ്ഘാടനത്തിലും ബോര്ഡിലും മാത്രമായി സെന്റര് ഒതുങ്ങുകയായിരുന്നു. മെഷ്യനുകളും അനുബന്ധ സൗകര്യങ്ങളും ഇതുവരേയും ലഭ്യമായിട്ടില്ല. സംസ്ഥാന ആരോഗ്യവകുപ്പ് ആണ് മെഷ്യനുകള് നല്കേണ്ടത്. താലൂക്ക് ആശുപത്രിയില് ഡയാലിസിസ് സെന്റര് തുറക്കുന്നതും കാത്തിരുന്ന രോഗികളും ബന്ധുക്കളും നിരാശരാണ്. കുട്ടമ്പുഴ പഞ്ചായത്തിലെ ആദിവാസി ഉന്നതികളിൾ ഉൾപ്പെടെ താലൂക്കിലെ 10 പഞ്ചായത്തുകളിലെയും നഗരസഭയിലെയും അനവധി നിർദ്ധനരുൾപ്പെടെ ആശ്രയമാണ് കോതമംഗലം തൂക്ക് ആശുപത്രി.
ഡയലാസിസ് സെന്ററിന്റെ നിർമ്മാണം ആളുകക്ക് ഒട്ടേറെ പ്രതീക്ഷ നൽകിയിരുന്നു. ഉദ്ഘാടനത്തോടെ ആശ്വാസമാകുമെന്ന കണക്ക് കൂട്ടലുകളുമുണ്ടായിരുന്നു. എന്നാൽ സാമ്പത്തിക ക്ലേശമനുഭവിക്കുന്ന ഡയാലിസിസ് രോഗികൾ ഇപ്പോഴും വിവിധ ചാരിറ്റബിൾ സംഘടനകളുടെയും സുമനസുകളുടെയും മുമ്പിൽ കൈനീട്ടേണ്ട ഗതിയിൽ തന്നെയാണ്.
അഭിമാനമാകേണ്ട താലൂക്ക് ആശുപത്രിയിലെ ഡയലാസിസ് സെന്റർ ബോർഡിൽ മാത്രം ഒതുങ്ങിയപ്പോൾ താലൂക്കിലെ ഡയാലിസിസ് രോഗികള് സ്വകാര്യമേഖലയെതന്നെ ഡയാലിസിസിനായി ആശ്രയിക്കുകയാണ്. അതുവഴി ഭീമമായ സാമ്പത്തീക ബാധ്യതയും രോഗികൾക്കുണ്ടാകുന്നുണ്ട്. ഡയലാലിസിസ് സെന്റര് പ്രവര്ത്തിപ്പിക്കുന്നതിനാവശ്യമായ നടപടികൾ ആരംഭിക്കാത്തതിൽ വിവിധ കോണുകളിൽ നിന്ന് വിമർശനങ്ങളും പ്രതിക്ഷേധങ്ങളും ഉയരുന്നുണ്ട്.
എംഎല്എ,ആരോഗ്യമന്ത്രി, മുഖ്യമന്ത്രി എന്നിവര്രുടെ ശ്രദ്ധയിൽപ്പെടുത്തുവാനായി നിവേദനങ്ങൾ നല്കുവാനും സമര പരിപാടികൾ ആവിഷ്കരിക്കാനും പല സംഘടനകളും നീക്കങ്ങൾ നടത്തുന്നതായും അറിയുന്നു. ഡയലാസിസ് സെന്റർ പ്രവർത്തനം ആരംഭിക്കാൻ അടിയന്തിര നടപടി വേണമെന്നതാണ് താലൂക്കിലെ രോഗികളുടെ ആവശ്യം.
