ഹരിദാസനും കുടുംബത്തിനും പിന്തുണയുമായി എന്റെ നാട്.

കോതമംഗലം: നെല്ലിക്കുഴി പഞ്ചായത്ത് പതിനഞ്ചാം വാർഡിൽ പൂക്കുഴി മോളത്ത് ഹരിദാസന്റെ വീട് കഴിഞ്ഞ ചൊവ്വാഴ്ച് കനത്ത മഴയിലും കാറ്റിലും തകർന്നിരുന്നു. ഹരിദാസും ഭാര്യയും രോഗിയായ പിഞ്ചുകുഞ്ഞുൾപ്പെട്ട മക്കളും അടങ്ങുന്ന കുടുംബം സാമ്പത്തികമായി വലിയ പ്രയാസത്തിലാണ്. വീട്ടു വാടക പോലും അടക്കാൻ കഴിയാതിരുന്ന ഹരിദാസിന് എന്റെ നാട് ഒരു മാസത്തെ വാടക നൽകി. നേരിട്ട് എത്തി വാടക കൈമാറിയ എന്റെ നാട് ചെയർമാൻ ഷിബു തെക്കുംപുറം ഹരിദാസിന് വേണ്ട സഹായങ്ങൾ തുടർന്നും നൽകുമെന്ന ഉറപ്പും നൽകി.