കോട്ടപ്പടി : ഉണ്ണിമായക്കും കുടുംബത്തിനും ഇനി സ്വസ്ഥമായിട്ട് ഉറങ്ങാം, ഇടുക്കി കെയർ ഫൗണ്ടേഷന്റെ നേതൃത്വത്തിൽ നിർമ്മിച്ച വീട് ഇടുക്കി എം. പി ഡീൻ കുര്യായാക്കോസ് കൈമാറി. കോട്ടപ്പടി മണ്ഡലം കമ്മിറ്റിയുടെ നേതൃത്വത്തിൽ നാലു മാസം കൊണ്ടാണ് വീടിന്റെ നിർമാണപ്രവർത്തനങ്ങൾ പൂർത്തീകരിച്ചത്. കോൺഗ്രസ് പ്രവർത്തകനായ പരേതനായ കുമാരന്റെ വീട്ടിൽ ഓൺലൈൻ വിദ്യാഭ്യാസത്തിന് ആവശ്യമായിട്ടുള്ള ടിവി കൈമാറുന്നതിന് വേണ്ടി എത്തിയപ്പോഴാണ് വീടിന്റെ ശോചനീയാവസ്ഥ എംപി നേരിട്ട് മനസ്സിലാക്കിയത്.
ഒരു വീട് നിർമ്മിച്ചു നൽകാമെന്ന് എം. പി ഉറപ്പു നൽകുകയായിരുന്നു. കുമാരൻ മരിച്ചു പോയതിനാൽ നിലവിൽ താമസിച്ചിരുന്ന സ്ഥലം ആയി ബന്ധപ്പെട്ട ചില തർക്കങ്ങൾ പരിഹരിച്ചതിന് ശേഷമാണ് വീടിന്റെ തറക്കല്ലിട്ടത്. വീടിരിക്കുന്ന സ്ഥലത്തിന്റെ തർക്കങ്ങൾ പരിഹരിക്കാൻ കാലതാമസം വന്നപ്പോൾ ഇടുക്കി എംപി വീട് നിർമ്മിച്ചു നൽകാമെന്ന് പറഞ്ഞു പറ്റിച്ചു എന്നും വ്യാജ വാർത്ത പരക്കുകയുണ്ടായി. വ്യാജ വാർത്ത പരത്തി വർക്കുള്ള മറുപടി കൂടിയാണ് ഉണ്ണിമായക്കുള്ള വീടെന്നു എംപി കൂട്ടിച്ചേർത്തു.
നിർമാണ കമ്മിറ്റി ചെയർമാൻ എം. കെ വേണു കോട്ടപ്പടി മണ്ഡലം കമ്മിറ്റി പ്രസിഡന്റ് കെ. കെ സുരേഷ്, കെപിസിസി നിർവാക സമിതി അംഗം പി പി ഉതുപ്പാൻ, ഡിസിസി ജനറൽ സെക്രട്ടറി അബു മൊയ്ദീൻ, കോണ്ഗ്രസ് ബ്ലോക്ക് പ്രസിഡന്റ് എം. എസ് എൽദോസ്ബ്ലോക്ക് പഞ്ചായത്ത് പ്രസിഡന്റ് പി. എ.എം ബഷീർ യു.ഡി.എഫ് ജില്ലാ കൺവീനർ ഷെവ. ഷിബു തെക്കുംപുറം., ബ്ലോക്ക് ജനറൽ സെക്രട്ടറി ബെന്നി പോൾ, കെ കെ സജീവൻ, അനൂപ് കാസിം, വാർഡ് മെമ്പർ ഷൈമോൾ ബേബി, ലിജോ ജോണി, ജെറിൻ ബേബി, വാഹിദ് പാനിപ്ര എന്നിവർ സന്നിഹിതരായിരുന്നു.
