കോതമംഗലം: നെല്ലികുഴിയിൽ ആക്രി വ്യാപാരത്തിൻ്റെ മറവിൽ മോഷണം നടക്കുന്നതായി പരാതി. പകൽ ആക്രി സാധനങ്ങൾ ശേഖരിക്കാൻ എന്ന വ്യാജേന വന്നിട്ട് രാത്രിയിൽ പല സ്ഥലങ്ങളിൽ നിന്നും മോട്ടറും അനുബന്ധ സാധനങ്ങളും മോഷ്ടിക്കുന്നതായി പരാതി മോട്ടറിലേക്ക് ഘടിപ്പിച്ചിരിക്കുന്ന വയർ വീടിന് പുറത്ത് ചെയ്തിട്ടുള്ള വയറിങ്ങ്, മീറ്ററിൽ നിന്നും പോവുന്ന എർത്ത് കമ്പി അടക്കമുള്ള സാധനങ്ങൾ രാത്രിയുടെ മറവിൽ മോഷ്ടിക്കുകയാണ് സംഘം ചെയ്യുന്നത്. ഇരമല്ലൂർ ചിറപ്പടിയിൽ ഒരു വീടിൻ്റ ആറ് കണക്ഷനിലേയും എർത്ത് വയർ മോഷ്ടിച്ചു, വളരെ വിദഗ്ധമായിട്ടാണ് ഇതെല്ലാം കട്ട് ചെയ്ത് എടുക്കുന്നത് ഇതര സംസ്ഥാനക്കാരടക്കമുള്ള ആക്രിസംഭരണക്കാർ ഈ പ്രദേശങ്ങളിൽ കാണപ്പെ ടാറുണ്ട്. രാത്രി കാലങ്ങളിൽ പൊലിസ്പട്രോളിംഗ് വേണമെന്നും പ്രദേശത്തെ ആക്രി വ്യാപാര സ്ഥാപനങ്ങൾ കേന്ദ്രീകരിച്ചും പൊലിസ് അന്യേഷണം നടത്തണമെന്നുമാണ് നാട്ടുകാർ ആവശ്യപെടുന്നത്.
