കോതമംഗലം: ഇടമലയാര് ഡാമില് ജലനിരപ്പ് കുത്തനെ താഴ്ന്നനിലയില്. മഴയിലുണ്ടായ കുറവാണ് പ്രശ്നമായിരിക്കുന്നത്. 143.04 മീറ്ററാണ് ഇന്നലത്തെ ജലനിരപ്പ്. കഴിഞ്ഞവര്ഷം ഇതേ ദിവസത്തേക്കാള് 13 മീറ്റര് കുറവാണിത്. 169 മീറ്ററാണ് ഡാമിന്റെ സംഭരണശേഷി.
കഴിഞ്ഞവര്ഷം 53 ശതമാനം വെള്ളമുണ്ടായിരുന്നെങ്കില് ഇപ്പോഴത് 35 ശതമാനം മാത്രമാണ്. വൃഷ്ടിപ്രദേശത്ത് മഴ ഗണ്യമായി കുറഞ്ഞ അവസ്ഥയിലാണ്. റിസര്വോയറിലേക്ക് കാര്യമായ നീരൊഴുക്കുമി?ല്ല. ഈ സാഹചര്യത്തിലാണ് ജലനിരപ്പ് ആശങ്കപ്പെടുത്തുന്ന നിലയിലേക്ക് താഴ്ന്നത്.
75 മെഗാവാട്ടാണ് പദ്ധതിയുടെ ഉത്പാദനശേഷി. ഇപ്പോള് ഉത്പാദനവും കുറച്ചിട്ടുണ്ട്. വെള്ളം പരമാവധി സംഭരിക്കുക എന്ന ലക്ഷ്യത്തോടെയാണ് ഉത്പാദന നിയന്ത്രണം. മഴയിലെ കുറവുമൂലം സംസ്ഥാനത്താകെ വൈദ്യുതി പ്രതിസന്ധി ഉടലെടുത്തിട്ടുമുണ്ട്. വൈദ്യുതി വിതരണത്തില് നിയന്ത്രണം ഏര്പ്പെടുത്താനുള്ള നീക്കത്തിലാണ് കെഎസ്ഇബി
