ഇരപിടിക്കുന്നതിനിടയിൽ വീട്ടുമുറ്റത്തെ വലയിൽ മൂർഖൻ കുടുങ്ങി

കോതമംഗലം : ഇരപിടിക്കുന്നതിനിടയിൽ വീട്ടുമുറ്റത്തെ വലയിൽ കുടുങ്ങി മൂർഖൻ. ഇന്ന് തൃക്കാരിയൂരിലാണ് സംഭവം. തൃക്കാരിയൂരിന് സമീപം ആയക്കാട് വീട്ടുമുറ്റത്ത് വലയിലാണ് മൂർഖൻ പാമ്പ് കുടുങ്ങിയത്. ഉടനെ വീട്ടുകാർ കോതമംഗലം റേഞ്ച് ഫോറസ്റ്റ് ഓഫീസിൽ വിവരമറിയിക്കുകയായിരുന്നു.

തുടർന്ന് ഫോറസ്റ്റർ സന്തോഷിൻ്റെ നിർദ്ദേശപ്രകാരം ആവോലിച്ചാലിൽ നിന്നും പാമ്പുപിടുത്ത വിദഗ്ദ്ധൻ CK വർഗീസ് എത്തി പാമ്പിനെ രക്ഷപെടുത്തി പുന്നേക്കാട് ഫോറസ്റ്റ് സെക്ഷൻ ഓഫീസിൽ ഏല്പിച്ചു. പാമ്പ് എലിയെ വിഴുങ്ങിയ ശേഷമാണ് വലയിൽ കുടുങ്ങിയത്.