കോതമംഗലം : തൃക്കാരിയൂരിൽ താമസിക്കുന്ന എക്കണോമിക്സ് & സ്റ്റാറ്റിസ്റ്റിക്സ് പത്തനംതിട്ട ജില്ല റിട്ടയേഡ് ജില്ല ഓഫീസർ കെ മണികണ്ഠകുമാറും കുടുംബവും മുഖ്യ മന്ത്രിയുടെ ദുരിതാശ്വാസ നിധിയിലേക്ക് സംഭാവനകൾ നല്കി മാതൃകയായി. മണികണ്ഠകുമാർ ഒരു മാസത്തെ പെൻഷൻ തുക മുഖ്യമന്ത്രിയുടെ കൊവിഡ്19 ദുരിതാശ്വാസനിധിയിലേക്ക് സംഭാവന ചെയ്തു. അദ്ദേഹത്തിന്റെ ഇളയ മകളായ ഐശ്വര്യ ലക്ഷ്മി എം ആർ തൃക്കാരിയൂർ എൻ എസ് എസ് യു പി എസ് ഏഴാം ക്ലാസ് വിദ്യാർഥിനി തന്റെ മുൻ വർഷങ്ങളിലെ സ്കോളർഷിപ്പ് തുകകളും,സ്കൂൾതല സമ്മാന തുകകളും പ്രസ്തുത ഫണ്ടിലേക്ക് സംഭാവനയായി നൽകി.
മണികണ്ഠകുമാറിന്റെ ഭാര്യ തൃക്കാരിയൂർ ഡി ബി എച്ച് എസ് ഹെഡ്മിസ്ട്രസ് ആയ സി എസ് രാജലക്ഷ്മിയും തന്റെ ഒരു മാസത്തെ ശമ്പളം ഈ ഫണ്ടിലേക്ക് സംഭവന നല്കി വരുന്നു. ദുരിതാശ്വാസ നിധിയിലേക്കുള്ള സംഭാവന വീട്ടിലെത്തി ആന്റണി ജോൺ എംഎൽഎ ഏറ്റുവാങ്ങി. ചടങ്ങിൽ സി പി ഐ എം ലോക്കൽ സെക്രട്ടറി കെ ജി ചന്ദ്ര ബോസ്,ഡി വൈ എഫ് ഐ ജില്ലാ കമ്മിറ്റി അംഗം കെ പി ജയകുമാർ,സി പി ഐ എം ബ്രാഞ്ച് സെക്രട്ടറി കെ ജി മണി, പാർട്ടി അംഗങ്ങളായ അജികുമാർ, പി കെ ശാന്തൻ തുടങ്ങിയവരും പങ്കെടുത്തു.
