Connect with us

Hi, what are you looking for?

CHUTTUVATTOM

ചേലാമറ്റം വില്ലേജ് ഓഫീസ് നിർമ്മാണം വേഗത്തിലാക്കും : എൽദോസ് കുന്നപ്പിള്ളി

പെരുമ്പാവൂർ : ചേലാമറ്റം വില്ലേജ് ഓഫീസ് നിർമ്മാണ പ്രവർത്തനങ്ങൾ വേഗത്തിലാക്കുവാൻ തീരുമാനം. പദ്ധതിയുമായി ബന്ധപ്പെട്ട് എൽദോസ് കുന്നപ്പിള്ളി എംഎൽഎ വിളിച്ചു ചേർത്ത ജനപ്രതിനിധികളുടെയും ഉദ്യോഗസ്ഥരുടെയും യോഗത്തിലാണ് തീരുമാനമായത്. പദ്ധതിയുടെ രൂപരേഖ സംബന്ധിച്ചു ധാരണയായതായി എംഎൽഎ പറഞ്ഞു. എസ്റ്റിമേറ്റ് പൂർത്തീകരിച്ചു മറ്റു നടപടിക്രമങ്ങളിലേക്ക് കടക്കും. 2018 ലാണ് പദ്ധതിക്ക് ഭരണാനുമതി ലഭ്യമായത്.  പദ്ധതി വേഗത്തിലാക്കുന്നതിന് വേണ്ടി എൽദോസ് കുന്നപ്പിള്ളി എംഎൽഎയുടെ നേതൃത്വത്തിൽ യോഗം ചേരുകയും പഞ്ചായത്ത് ഓഫീസ് കെട്ടിടത്തിലേക്ക് വില്ലേജ് ഓഫീസ് മാറ്റി സ്ഥാപിക്കുന്നതിന് തീരുമാനം എടുക്കുകയുമായിരുന്നു.

രണ്ട് നിലകളിലായാണ് കെട്ടിടം നിർമ്മിക്കുന്നത്. ഏകദേശം 1400 ചതുരശ്രയടി ചുറ്റളവിലുള്ള കെട്ടിടത്തിൽ സ്മാർട്ട് വില്ലേജ് ഓഫിസിൽ എത്തുന്നവർക്ക് ഇരിപ്പിടങ്ങളും ഫോം പൂരിപ്പിക്കുന്നതിനുള്ള സംവിധാനവും ശുദ്ധജലവും ഒരുക്കും. കംപ്യൂട്ടര്‍ ഉപയോഗിക്കാന്‍ അറിയാത്തവര്‍ക്ക് സഹായത്തിനായി ഫ്രണ്ട് ഓഫീസ് സംവിധാനവും ടോക്കണ്‍ എടുക്കുന്നതിനുള്ള സൗകര്യങ്ങളും, വില്ലേജ് ഓഫീസർക്കുള്ള പ്രത്യേക മുറിയും പദ്ധതിയിൽ ഉണ്ടാകും.

സ്ത്രീകള്‍ക്കും മുതിര്‍ന്നവര്‍ക്കും വികലാംഗര്‍ക്കുമുള്ള വിശ്രമസ്ഥലവും ഏഴ് ഉദ്യോഗസ്ഥർക്ക് ഒരേസമയം തന്നെ  ജോലി ചെയ്യുന്നതിനുള്ള ഓഫീസ് സൗകര്യവും സ്മാർട്ട് വില്ലേജ് ഓഫീസിന്റെ പ്രത്യേകതയാണ്. ജീവനക്കാര്‍ക്കും പൊതുജനങ്ങള്‍ക്കും പ്രത്യേകം ശുചിമുറികൾ, ഫയലുകള്‍ സൂക്ഷിക്കാന്‍ അടച്ചുറപ്പുള്ള ഡോക്യുമെന്റ് റൂം, അടുക്കള, യോഗങ്ങൾ ചേരുന്നതിനുള്ള ഹാൾ, ഉദ്യോഗസ്ഥർക്കുള്ള മിനി ഹാൾ എന്നിവ പുതിയ ഓഫീസ് സൗകര്യങ്ങളുടെ ഭാഗമായി നിർമ്മിക്കുന്നതിന് പദ്ധതിയിൽ ഉൾപ്പെടുത്തിയിട്ടുണ്ട്.

ബ്ലോക്ക് പഞ്ചായത്ത് പ്രസിഡന്റ് ബിന്ദു ഗോപാലകൃഷ്ണൻ, ജില്ല പഞ്ചായത്ത് അംഗം ശാരദ മോഹൻ, ഒക്കൽ ഗ്രാമപഞ്ചായത്ത് പ്രസിഡന്റ് രമ ബാബു, ബ്ലോക്ക് പഞ്ചായത്ത് അംഗം ഗായത്രി വിനോദ്, തഹസിൽദാർ വിനോദ് രാജ്, ഭൂരേഖ തഹസിൽദാർ എൽദോ, പൊതുമരാമത്ത് വകുപ്പ് അസി. എൻജിനിയർ അരുൺ എം.എസ്, വില്ലേജ് ഓഫീസർമാർ തുടങ്ങിയവർ സംബന്ധിച്ചു.

You May Also Like

NEWS

പെരുമ്പാവൂർ: ഹോട്ടൽ ആൻ്റ് റസ്റ്റോറൻ്റ് അസോസിയേഷൻ പെരുമ്പാവൂർ യൂണിറ്റിൻ്റെ അനുസ്മരണ സമ്മേളനവും സാമുഹ്യ സേവന പ്രവർത്തനങ്ങളുടെ ഉത്ഘാടനവും നടത്തി. പെരുമ്പാവൂർ ഫാസ് ഓഡിറ്റോറിയത്തിൽ നടന്ന അനുസ്മരണ സമ്മേളനവും സാമുഹ്യ സേവന പ്രവർത്തനങ്ങളുടെ ഉത്ഘാടനവും...

CHUTTUVATTOM

പെരുമ്പാവൂർ : ആറാം വിരൽ മുറിക്കേണ്ടി വന്ന കുട്ടിക്ക് നാവു മുറിച്ചു മാറ്റാഞ്ഞത് ഭാഗ്യം കൊണ്ട് മാത്രമാണെന്ന് എൽദോസ് കുന്നപ്പള്ളി എംഎൽഎ പറഞ്ഞു .ആരോഗ്യവകുപ്പിന്റെ പേര് അനാസ്ഥ വകുപ്പ് എന്നാക്കണമെന്നും ആരോഗ്യവകുപ്പ് മന്ത്രിക്ക്...

CHUTTUVATTOM

പെരുമ്പാവൂർ : വേങ്ങൂർ ,മുടക്കുഴ പഞ്ചായത്തുകളിൽ മഞ്ഞപ്പിത്ത ബാധ വ്യാപകമാകുന്നത് തടയുവാൻ ജില്ലാ മെഡിക്കൽ ഓഫീസർ ഡോ .ഷക്കീനയുടെ സാന്നിധ്യത്തിൽ എൽദോസ് കുന്നപ്പിള്ളി എംഎൽഎയുടെ നേതൃത്വത്തിൽ അവലോകനയോഗം ചേർന്നു . ഇരു പഞ്ചായത്തുകളിലുമായി...

CHUTTUVATTOM

പെരുമ്പാവൂർ : വേങ്ങൂർ പഞ്ചായത്തിൽ ആറാം വാർഡിൽ സ്ഥിതി ചെയ്യുന്ന ആദിവാസി ഊരായ പോങ്ങൻ ചുവട് ആദിവാസി കൂടിയിലേക്ക് കെഎസ്ആർടിസി ബസ് അനുവദിക്കണമെന്ന എൽദോസ് കുന്നപ്പള്ളി എംഎൽഎയുടെ സബ്മിഷനിലൂടെയുള്ള ആവശ്യത്തിന് കെഎസ്ആർടിസി സർവീസ്...