ആലുവ : മയക്കുമരുന്ന് ലഹരിയിൽ അമ്മയെ ആക്രമിച്ച കേസിൽ മകൻ പിടിയിൽ. ഉളിയന്നൂർ വെസ്റ്റ് കടുങ്ങല്ലൂർ മുപ്പിരിക്കൽ വീട്ടിൽ മുഹമ്മദ് അസ്ലാം (26) ആണ് ആലുവ പോലിസിന്‍റെ പിടിയിലായത്. ലഹരിക്കടിമയായ ഇയാൾ അമ്മയെ പതിവായി ഉപദ്രവിക്കുമായിരുന്നു. വിട്ടുപകരണങ്ങൾ അടിച്ചു തകർക്കുകയും, വസ്ത്രങ്ങൾ പെട്രോളൊഴിച്ച് കത്തിക്കുകയും ചെയ്തിട്ടുണ്ട്. കഞ്ചാവുമായി ബന്ധപ്പെട്ട് ഇയാൾക്കെതിരെ ആലുവ സ്റ്റേഷനിൽ രണ്ട് കേസുകളുണ്ട്.
എസ് ഐ മാരായ റ്റി.വി.ഷാജു, സി.കെ..സക്കറിയ, എ എസ് ഐ പി.എ.ഷാഹി, എസ് സി പി ഒ റ്റി.എ.ഫാസിലാ ബീവി എന്നിവരാണ് അനേഷണ സംഘത്തിൽ ഉണ്ടായിരുന്നത്. കോടതിയിൽ ഹാജരാക്കിയ പ്രതിയെ റിമാൻറ് ചെയ്തു.
