കോതമംഗലം :മാർ അത്തനേഷ്യസ് കോളേജിലെ കൊമേഴ്സ് ബിരുദാനന്തര ബിരുദ-ഗവേഷണ വിഭാഗത്തിന്റെ ആഭിമുഖ്യത്തിൽ ഗവേഷകർക്കായി ദ്വിദിന ഗവേഷണ ശില്പശാല സംഘടിപ്പിച്ചു.
കേരള സർവകലാശാല സ്കൂൾ ഓഫ് ബിസിനസ് മാനേജ്മെന്റ് ആൻഡ് ലീഗൽ സ്റ്റഡീസിലെ കൊമേഴ്സ് വിഭാഗം മേധാവി പ്രൊഫ. ഡോ. ബിജു ടെറൻസ് ഉദ്ഘാടനം ചെയ്ത് ശില്പശാലയ്ക്ക് നേതൃത്വം നൽകി.ഗവേഷണത്തിന്റെ ഗുണനിലവാരം മെച്ചപ്പെടുത്തുന്നതിനും അന്താരാഷ്ട്ര നിലവാരത്തിലുള്ള ഗവേഷണ പ്രസിദ്ധീകരണങ്ങൾ തയ്യാറാക്കുന്നതിനും, അതിന് ആവശ്യമായ ആധുനിക ഗവേഷണ ഉപകരണങ്ങളെയും രീതികളെക്കുറിച്ചുമെല്ലാം അദ്ദേഹം സംസാരിച്ചു .
കേരളത്തിലെ വിവിധ കോളേജുകളിൽ നിന്നുള്ള അധ്യാപകർ, ഗവേഷക വിദ്യാർത്ഥികൾ എന്നിവർ ശില്പശാലയിൽ പങ്കെടുത്തു.അക്കാദമിക ഗവേഷണത്തിൽ ഏറ്റവും കൂടുതൽ ഉപയോഗിക്കപ്പെടുന്ന രണ്ട് പ്രധാനപ്പെട്ട ഗവേഷണ രീതികളായ
സിസ്റ്റമാറ്റിക് ലിറ്ററേച്ചർ (എസ് എൽ ആർ ), ബിബ്ലിയോമെട്രിക് അനാലിസിസ് എന്നീ ഗവേഷണ രീതികളെക്കുറിച്ചുള്ള സൈദ്ധാന്തികവും പ്രായോഗികവുമായ പരിശീലനമാണ് ശില്പശാലയിലൂടെ നൽകിയത്.
ഗവേഷണ മികവ് വളർത്തുന്നതിനും ഗവേഷകരെയും അധ്യാപകരെയും സമകാലിക ഗവേഷണ രീതികളിൽ പ്രാവീണ്യമുള്ളവരാക്കുന്നതിനും വേണ്ടിയാണ് കൊമേഴ്സ് വിഭാഗം ശില്പ ശാല സംഘടിപ്പിച്ചത്.ചടങ്ങിൽ വകുപ്പ് മേധാവി ഡോ. ഡയാന ആൻ ഐസക് അധ്യക്ഷത വഹിച്ചു.ശില്പശാല കോഡിനേറ്റർ ജിയ ജോൺ പാറയിൽ, ഗവേഷണ വിദ്യാർത്ഥിനി നിരുപമ എന്നിവർ സംസാരിച്ചു.അധ്യാപകരായ ഡോ. ലിതാ മേരി ഐസക്, സജിൻ പോൾ, ഡോ. ഫേബ കുര്യൻ, ഡോ. ജിനി തോമസ്, ഡോ. ക്ലോഡിൻ റോച്ച, ഡോ. രമ്യ സി. എം എന്നിവർ നേതൃത്വം നൽകി.
