കോതമംഗലം : വേട്ടമ്പാറ ജോസഫൈൻ എൽ .പി സ്കൂളിൽ വിസ്റ്റ 2020 എന്ന പേരിൽ വാർഷികാഘോഷം നടന്നു . വാർഷികാഘോഷത്തിന്റെ ഉദ്ഘാടനം പിണ്ടിമന ഗ്രാമപഞ്ചായത്ത് ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയർമാൻ ശ്രീ. ബിജു പി. നായർ നിർവഹിച്ചു. സ്കൂൾ മാനേജർ റവ.ഫാ . ജോസ് മറ്റം CMF അദ്ധ്യക്ഷത വഹിച്ചു .
കുട്ടികൾക്കുള്ള എൻഡോവ്മെന്റ് വിതരണം വാർഡ് മെമ്പർ ശ്രീമതി സിബി എൽദോയും മാഗസിൻ പ്രകാശനം Rtd HM ശ്രീ. കെ. എ ജോസ്ഫും മുഖ്യ പ്രഭാഷണം നെടുങ്ങപ്ര സെന്റ് ആന്റണീസ് യു .പി സ്കൂൾ ഹെഡ് മാസ്റ്റർ ശ്രീ ബേബി പഴയംകോട്ടിലും കിഡ്സ് ബ്രെയിൻ സമ്മാന വിതരണം വേട്ടമ്പാറ അസി. വികാരി റവ.ഫാ .തോമസ് വെച്ചൂർ CMF നിർവഹിച്ചു. റവ.സി . ലൂസി എസ് എം സി , ശ്രീ ബിനു ജോസ്, ശ്രീ . മൈക്കിൾ കുര്യൻ , ശ്രീമതി സിനി റെജി , ശ്രീ. നിതിൻ ജോസഫ് കുമാരി ഗോഡ്വിന റെജി എന്നിവർ ആശംസകളർപ്പിച്ചു .
ഹെഡ് മാസ്റ്റർ ശ്രീ ബീജു പോൾ യോഗത്തിന് സ്വാഗതം പറയുകയും മാസ്റ്റർ ജോൺ മൈക്കിൾ യോഗത്തിന് നന്ദിയും പറഞ്ഞു . സമ്മേളനത്തോടനുബന്ധിച്ച് വിദ്യാർത്ഥികളുടേയും രക്ഷിതാക്കളുടേയും കലാവിരുന്നും ഉണ്ടായിരുന്നു .
