കോതമംഗലം: നേര്യമംഗലം ഗവൺമെന്റ് ആശുപത്രിയിൽ കിടത്തി ചികിത്സ ആരംഭിക്കണമെന്ന് എ ഐ വൈ എഫ് നേര്യമംഗലം മേഖല സമ്മേളനം ആവിശ്യപ്പെട്ടു. 1964 ൽ ആരംഭിച്ച ആശുപത്രിയിൽ ദിവസവും ആദിവാസി കോളനികളിൽ നിന്നടക്കം നൂറുകണക്കിന് രോഗികൾ ആണ് ചികിത്സക്കായി എത്തുന്നത് . കുടുംബ ആരോഗ്യകേന്ദമായി പ്രഖ്യാപിച്ചിട്ടുണ്ടെങ്കിലും ഒ.പി വിഭാഗത്തിൽ ആവശ്യത്തിന് ഡോക്ടർമാരില്ലാത്ത സ്ഥിതിയാണ് നിലവിൽ ഉള്ളത്. പ്രശ്നം പരിഹരിച്ചില്ലങ്കിൽ ശക്തമായ സമരത്തിലേക്ക് നീങ്ങുവാൻ സമ്മേളനം തീരുമാനിച്ചു. സമ്മേളനം എഐവൈഎഫ് സംസ്ഥാന കൗൺസിൽ അംഗം പി.കെ രാജേഷ് ഉദ്ഘാടനം ചെയ്തു. പി എം ശിവൻ, പി റ്റി ബെന്നി, എൻ യൂ നാസ്സർ എന്നിവർ സംസാരിച്ചു. സൈറോ ശിവറാം അദ്ധ്യക്ഷനായി. ഭാരവാഹികൾ ആയി സി.എ മൈതീൻ പ്രസിഡന്റ സൈറോ ശിവറാം സെക്രട്ടറി ആയി തെരെഞ്ഞെടുത്തു.
You must be logged in to post a comment Login