പല്ലാരിമംഗലം : കേരള സംസ്ഥാന വ്യാപാരി വ്യവസായി സമിതി പല്ലാരിമംഗലം യൂണിറ്റ് സമ്മേളനം നടത്തി. അടിവാട് ദേശീയ വായനശാലാ ഹാളിൽ ചേർന്ന സമ്മേളനം ജില്ലാ കമ്മിറ്റി അംഗം കെ എ നൗഷാദ് ഉദ്ഘാടനം ചെയ്തു. യൂണിറ്റ് പ്രസിഡന്റ് പി കെ മുഹമ്മദ് അദ്ധ്യക്ഷത വഹിച്ചു. കവളങ്ങാട് ഏരിയാ സെക്രട്ടറി റാജി വിജയൻ സംഘടനാ റിപ്പോർട്ടും, യൂണിറ്റ് സെക്രട്ടറി മുഹമ്മദ് കാസിം പ്രവർത്തന റിപ്പോർട്ടും അവതരിപ്പിച്ചു. നിർധന യുവതിയുടെ വിവാഹത്തിന് സംഘടന നൽകുന്ന വിവാഹധനസഹായം സംസ്ഥാന കമ്മിറ്റിഅംഗം എ എസ് ബാലകൃഷ്ണൻ കൈമാറി. മുൻയൂണിറ്റ് പ്രസിഡന്റ് കെ കെ മൈതീനെ ചടങ്ങിൽ ആദരിച്ചു.
ഏരിയാ പ്രസിഡന്റ് ഒ ഇ അബ്ബാസ്, ഏരിയാ കമ്മിറ്റിഅംഗം കെ എം കരീം, എം എം ബക്കർ, പി എം കബീർ എന്നിവർ പ്രസംഗിച്ചു. എം എൻ ബാലഗോപാലൻ സ്വാഗതവും, ടി എം നൂറുദ്ധീൻ കൃതജ്ഞതയും പറഞ്ഞു. ഭാരവാഹികളായി പി കെ മുഹമ്മദ് (പ്രസിഡന്റ്) മുഹമ്മദ് കാസിം (സെക്രട്ടറി) ടി എം നൂറുദ്ധീൻ (ട്രഷറാർ) എന്നിവരെ തെരഞ്ഞെടുത്തു.
You must be logged in to post a comment Login