കോതമംഗലം: ഗവേഷണ രംഗത്ത് നിർമ്മിത ബുദ്ധിയുടെ സാധ്യതകളും ഉപയോഗവും ചർച്ച ചെയ്തുകൊണ്ട് മാർ അത്തനേഷ്യസ് കോളേജ് റിസേർച്ച് ആൻഡ് ഡെവലപ്മെന്റ് സെല്ലിന്റെ നേതൃത്വത്തിൽ റിസേർച്ച് മീറ്റും,ശില്പശാലയും നടത്തി.
കോളേജ് പ്രിൻസിപ്പൽ ഡോ. മഞ്ജു കുര്യൻ അധ്യക്ഷത വഹിച്ചു. തിരുവനന്തപുരം സി.എസ്.ഐ.ആർ-നാഷണൽ ഇൻസ്റ്റിറ്റ്യൂട്ട് ഫോർ ഇന്റർഡിസിപ്ലിനറി സയൻസ് ആൻഡ് ടെക്നോളജി റിട്ട. ശാസ്ത്രജ്ഞനും മാർ അത്തനേഷ്യസ് കോളേജ് ഓണററി റിസർച്ച് അഡ്വൈസറുമായ ഡോ.എം.ടി. സെബാസ്റ്റ്യൻ ഉദ്ഘാടനം നിർവഹിച്ചു .പ്രധാനമന്ത്രിയുടെ യുവ ഫെലോയും എ. ഐ അനലിസ്റ്റുമായ ഡോ. ജെ.എസ്. അനന്ത കൃഷ്ണൻ ശില്പശാല നയിച്ചു.
തൃശൂർ കൊടുങ്ങല്ലൂർ എം.ഇ.എസ്. അസ്മാബി കോളേജിലെ അസിസ്റ്റന്റ് പ്രൊഫസറും, എം. എ. കോളേജിലെ ഗണിതശാസ്ത്ര വിഭാഗത്തിൽ ഡോ. ലത എസ്. നായരുടെ മേൽനോട്ടത്തിൽ ഗവേഷണം നടത്തുന്ന എ.നസ്രിൻന് മികച്ച ഗവേഷകക്കുള്ള പുരസ്കാരം സമ്മാനിച്ചു. റിസേർച്ച് ഡീൻ ഡോ. രാജേഷ് കെ തുമ്പക്കര,ഭൗതികശാസ്ത്ര വിഭാഗം മേധാവി ഡോ. എസ്. ദീപ എന്നിവർ നേതൃത്വം നൽകി.
