കോതമംഗലം: ലഹരിക്കും മയക്കുമരുന്നിനുമെതിരെ ശക്തമായ പ്രവര്ത്തനം ഏകീകരിക്കുന്നതിനായി സംസ്ഥാനതലത്തില് ആന്റി നര്ക്കോട്ടിക് കോര്പറേഷന് രൂപീകരിക്കണമെന്ന് കേരള മദ്യവിരുദ്ധ ഏകോപനസമിതി കോതമംഗലം താലൂക്ക് കമ്മിറ്റി സംസ്ഥാന സര്ക്കാരിനോട് ആവശ്യപ്പെട്ടു.
അന്താരാഷ്ട്ര ലഹരി വിരുദ്ധ ദിനാചരണത്തിന്റെ ഭാഗമായി കോതമംഗലം കത്തിഡ്രല് ഹാളില് നടത്തിയ ലഹരി വിരുദ്ധ നേതൃത്വസംഗമം സമിതി സംസ്ഥാന സെക്രട്ടറി ജെയിംസ് കോറമ്പേല് ഉദ്ഘാടനം ചെയ്തു. സമിതി താലൂക്ക് വൈസ് പ്രസിഡന്റ് ബിജു വെട്ടിക്കുഴ അധ്യക്ഷത വഹിച്ചു.
കെസിബിസി മദ്യവിരുദ്ധ സമിതി രൂപത ജനറല് സെക്രട്ടറി ജോണി കണ്ണാടന്, കത്തിഡ്രല് വികാരി ഫാ. ഡോ. മാത്യു കൊച്ചുപുരക്കല്, താലൂക്ക് സെക്രട്ടറി ജോയ് പടയാട്ടില്, ജിജു വറുഗീസ്, മാര്ട്ടിന് കീഴേമാടന്, സാജന് അമ്പാട്ട്, പോള് കൊങ്ങാടന്,പീറ്റര് ഇടപ്പുളവന്,കെ.എച്ച് സലിം, ശശി കുഞ്ഞുമോന്, ജോമോന് ജേക്കബ്, പി.എ ഇമ്മാനുവേല്, സാബു കുരിശിങ്കല്, ജോമോന് പാറക്കല് എന്നിവര് പ്രസംഗിച്ചു.
