കോതമംഗലം: ചേലാട്-മാലിപ്പാറ റോഡില് വിവിധ സ്ഥലങ്ങളിലായി പൈപ്പ് പൊട്ടി കുടിവെള്ള ചോര്ച്ച. മാലിപ്പാറ ലൈബ്രറിപ്പടി, നാടോടി പാലത്തിന് സമീപം, ഡെന്റല് കോളേജ് എന്നിവിടങ്ങളില് ഒരു മാസത്തിലേറെയായി പൈപ്പ് പൊട്ടി ശുദ്ധജലം പാഴാകുകയാണ്. രണ്ടുവര്ഷം മുന്പ് മാറ്റിസ്ഥാപിച്ച പുതിയ വിതരണ പൈപ്പാണ് പൊട്ടുന്നത്. ഒന്നര ആഴ്ച മുന്പുവരെ ചെറിയ പൊട്ടലായിരുന്നു. ഏതാനും ദിവസമായി വെള്ളം കുത്തിയൊലിച്ചുപോകുന്ന അവസ്ഥയിലാണ്.
കുടിവെള്ളം വലിയതോതില് പുറത്തേക്ക് ഒഴുകുന്നതു കാരണം റോഡിനും ബലക്ഷയം സംഭവിക്കുകയാണ്. വെള്ളം പുറത്തേക്കുവരുന്ന ഭാഗവും കെട്ടിക്കിടക്കുന്നിടത്തും ടാറിങ് ഇളകിത്തുടങ്ങിയതായി നാട്ടുകാര് ചൂണ്ടിക്കാട്ടി. ലൈബ്രറിപ്പടിയില് ടൈല് വിരിച്ചിടത്തും സമാനപ്രശ്നമാണ്. ആഴ്ചകളായി പൈപ്പ് പൊട്ടി വെള്ളം റോഡിലേക്ക് ഒഴുകുന്നതുകൊണ്ട് ഉയര്ന്ന പ്രദേശത്തും വിദൂര ഇടങ്ങളിലും ശുദ്ധജലക്ഷാമം അനുഭവപ്പെടുന്നുണ്ട്. ജല അതോറിറ്റി അധികൃതര് അടിയന്തരമായി പൊട്ടിയ പൈപ്പ് നന്നാക്കി ശുദ്ധജല വിതരണം കാര്യക്ഷമാക്കണമെന്ന ആവശ്യം ശക്തമാണ്.
