കോതമംഗലം: ഓള് കേരള റീട്ടെയ്ല് റേഷന് ഡീലേഴ്സ് അസോസിയേഷന് കാരുണ്യ സ്പര്ശം പദ്ധതിയില് ഏര്പ്പെടുത്തിയിട്ടുള്ള മരണാനന്തര സഹായനിധി റേഷന് വ്യാപാരിയുടെ കുടുംബത്തിനു കൈമാറി.മരണാനന്തര സഹായ നിധിയായ അഞ്ചു ലക്ഷം രൂപയുടെ ചെക്ക് കോതമംഗലം താലൂക്കില് മരണപ്പെട്ട വ്യാപാരി എം.എന്. രാജുവിന്റെ കുടുംബത്തിന് സംസ്ഥാന പ്രസിഡന്റ് മുന് എംഎല്എ ജോണി നെല്ലൂര് കൈമാറി.
കോതമംഗലം ഗുരുവരം ഓഡിറ്റോറിയത്തില് നടന്ന ചടങ്ങില് ജില്ലാ പ്രസിഡന്റ് ബേബി അധ്യക്ഷനായി. താലൂക്ക് സെക്രട്ടറി എം.എം. രവി സംസ്ഥാന സെക്രട്ടറി കെ.ഇ. ഇസഹാക്ക്, ജില്ലാ സെക്രട്ടറി ഷെല്ലി പുതുശേരി, ജില്ലാ വര്ക്കിംഗ് പ്രസിഡന്റ് യു.എന്. ഗിരിജന്, വിവിധ ജില്ലാ താലൂക്ക് നേതാക്കള് സിവില് സപ്ലൈസ് ഉദ്യോഗസ്ഥര് എന്നിവര് പങ്കെടുത്തു
